17:41, 15 - قىركۇيەك 2020 | GMT +6
ەلباسى ۇلتتىق بانك ءتوراعاسى ەربولات دوسايەۆتى قابىلدادى
نۇر- سۇلتان. قازاقپارات - قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆ ۇلتتىق بانك ءتوراعاسى ەربولات دوسايەۆتى قابىلدادى، دەپ حابارلايدى قازاقپارات elbasy.kz سىلتەمە جاساپ.
كەزدەسۋدە نۇرسۇلتان نازاربايەۆقا پاندەميا جاعدايىنداعى الەمدىك ەكونوميكانىڭ دامۋىنا بايلانىستى جانە قازاقستاننىڭ ساۋدا- ەكونوميكالىق سەرىكتەستەرىنىڭ نارىقتارىنداعى جاعدايعا قاتىستى بولجامدار تانىستىرىلدى. سونداي- اق، قازاقستاننىڭ تۇڭعىش پرەزيدەنتىنە قارجى نارىعىنداعى جاعداي مەن ەلدەگى اقشا- نەسيە ساياساتىن جۇزەگە اسىرۋ بارىسى تۋرالى اقپارات بەرىلدى.
- قارجى نارىعىنداعى جاعداي تۇراقتى. بيىلعى سەگىز ايدا ينفلياتسيا جەتى پايىزعا جەتتى. بۇل كورسەتكىش ءبىز بولجاپ وتىرعان دەڭگەيدە تۇر. بازالىق مولشەرلەمەنى توعىز پايىز دەڭگەيىندە ساقتاپ قالدىق، - دەدى ە. دوسايەۆ.