+7 (701) 759 90 19
-17 °С : نۇر-سۇلتان
-5 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

ەلوردادا دەمالىس ورىندارى كوبەيدى

15 قىركۇيەك 16:00
:ءبولىسۋ
ەلوردادا دەمالىس ورىندارى كوبەيدى

نۇر -سۇلتان. قازاقپارات- ەلوردادا اۋلالار مەن قوعامدىق كەڭىستىكتى اباتتاندىرۋ جۇمىستارىنىڭ باسىم بولىگى اياقتالدى.

بۇل تۋرالى قالا اكىمى التاي كولگىنوۆ الەۋمەتتىك جەلىدەگى پاراقشاسىندا جازدى.

«قالا تۇرعىندارى ءۇشىن 8 مىڭ شارشى مەتر دەمالىس ورنى رەتىندە قايتا جاسالدى. كوپىر استى (سارايشىق داڭعىلى) 5 اۋماققا ءبولىندى: باسكەتبول الاڭى، بالالارعا ارنالعان، work-out، ساحنامەن بيشىلەرگە ارنالعان الاڭ، يوگامەن اينالىسۋ الاڭى ت. ب. سونداي-اق تاماقتاناتىن ورىن قويىلدى.

قابىرعالارىنا بالالاردىڭ ءتۇرلى سپورتپەن اينالىسۋىنا تۇرتكى بولۋى ءۇشىن تانىمال سپورتشىلاردىڭ مۋرالى بەينەلەندى.

بۇدان بولەك، بۇل جەردىڭ اينالاسىنداعى اۋماق اباتتاندىرىلادى. قالا تۇرعىندارى تەپلوحودپەن سەرۋەندەۋى ءۇشىن پيرس قويىلدى. اتكەنشەك ورناتىلىپ، ۇلكەن فۋتبول الاڭى سالىندى. ەندى بەتوننان سكەيت- پارك سالۋ جوسپارلانىپ وتىر.

الداعى ۋاقىتتا بۇل جەردە جاسىل بۇرىش، كوپفۋنكسيونالدى امفيتەاتر پايدا بولادى.

قازىرگى ۋاقىتتا ل. ن. گۋميلەۆ اتىنداعى ە ۇ ۋ ماڭىنداعى كوپىر استىندا قۇرىلىس جۇمىستارى جۇرگىزىلۋدە. بۇل جەردە تاعى ءبىر كوپىراستى كەڭىستىك بولادى. بيىل بارلىعى 150 اۋلا مەن 50 دەن اسا قوعامدىق كەڭىستىك اباتتاندىرىلادى (ساياباقتار، گۇلباقتارى، جەلەكجولدار). جۇمىستىڭ كوپ بولىگى اياقتالدى. كەلەسى جىلدىڭ ءتىزىمى جاسالۋدا.

مەملەكەت باسشىلىعى بۇقارالىق سپورتتى دامىتۋعا جاعداي جاساۋعا ەرەكشە كوڭىل بولۋدە. كارانتين بىزگە يممۋنيتەتىمىزدى نىعايتۋ كەرەكتىگىن، سپورتپەن شۇعىلدانىپ، تازا اۋادا كوپ ءجۇرۋ كەرەكتىگىن كورسەتتى.»، - دەپ جازدى التاي كولگىنوۆ.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات