+7 (701) 759 90 19
-17 °С : نۇر-سۇلتان
-5 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

ءدىندى اپيىنعا اينالدىرۋشىلار دا تىنار ەمەس

15 قىركۇيەك 16:16
:ءبولىسۋ
ءدىندى اپيىنعا اينالدىرۋشىلار دا تىنار ەمەس

نۇر -سۇلتان. قازاقپارات- وسىدان ءبىر اي بۇرىن سولتۇستىك قازاقستان وبلىستىق پوليتسياسىنىڭ ەكسترەميزمگە قارسى ءىس- قيمىل باسقارماسىنىڭ قىزمەتكەرلەرى ەكسترەميستىك ماتەريالداردى ساقتاعانى جانە تاراتقانى ءۇشىن دەسترۋكتيۆتى ءدىني اعىم ۇستانۋشىسىن ۇستاپ، جاۋاپقا تارتقان ەدى، دەپ حابارلايدى Egemen.kz.

پوليتسيا قىزمەتكەرلەرى «ۆكونتاكتە» الەۋمەتتىك جەلىسىنە مونيتورينگ جۇرگىزۋ بارىسىندا دەسترۋكتيۆتى اعىم وكىلىنىڭ ءدىني مازمۇنداعى اۋديوفايلدار مەن فوتوماتەريالداردى تاراتۋ فاكتىسىن انىقتاعان. جەدەل- ىزدەستىرۋ ءىس- شارالارىن جۇرگىزۋ بارىسىندا جازبالاردىڭ اۆتورى انىقتالدى. ول بۇرىن سوتتالماعان پەتروپاۆلدىڭ 33 جاستاعى تۇرعىنى بولىپ شىقتى.

دەسترۋكتيۆتى ءدىني اعىمداردىڭ جەتەگىندە كەتكەن بۇل ايەل ءوزىنىڭ بۇلىنگەنىمەن قويماي جەكە پاراقشاسىندا باسقالاردى دا تارتىپ، جات اعىمنىڭ اۋديو جانە فوتو قۇجاتتارىن دارىپتەپ، ورنالاستىرعان. قالىپتاسپاعان جاس سانالار مۇندايلاردى كورىپ، ايسىز قاراڭعى تۇندە جۇرگەندەي اداساتىنى حاق. ءتىپتى تۋعان اتا- اناسىن دا جات ساناپ كەتەتىندەر بار. سوندىقتان ونىڭ بۇلىنشىلىك قاسىرەتى وراسان.

«دايىن اۋديو مەن فوتولاردى عانا پاراقشاما سالدىم» دەپ جەڭىل قۇتىلعىسى كەلەتىن سىلتاۋ مۇنداي قىلمىسقا جۇرمەيدى. قاسيەتتى ءدىنىمىزدى بۇزىپ، وعان ءتۇرلى دەسترۋكتيۆتى اعىمداردى ارالاستىرۋشىلارعا قوعام مۇلدە قارسى ەكەنى حاق.

اتالعان فاكتى بويىنشا اكىمشىلىك قۇقىق بۇزۋشىلىق تۋرالى كودەكستىڭ «بۇقارالىق اقپارات قۇرالدارىنىڭ ءونىمىن، سول سياقتى وزگە دە ءونىمدى قازاقستان رەسپۋبليكاسىنىڭ اۋماعىندا دايىنداۋ، ساقتاۋ، اكەلۋ، تاسىمالداۋ جانە تاراتۋدى قاراستىراتىن 453-بابتىڭ 2-بولىگى بويىنشا قازىر ماتەريالدار جيناستىرىلعان. تىركەلگەن كونتەنت اقپارات جانە قوعامدىق دامۋ مينيسترلىگىنىڭ ءدىن ىستەرى جونىندەگى كوميتەتىنىڭ ءدىنتانۋ ساراپتاماسىنا دا جىبەرىلگەن ەدى. ساراپشىلار ونى «ماتەريالدار ەكسترەميستىك بولىپ تابىلادى جانە ولاردى ەل اۋماعىندا تاراتۋ مەن ساقتاۋعا تىيىم سالىنعان»، دەگەن قورىتىندى شىعاردى.

قىركۇيەك ايىنىڭ سەگىزىنشى جۇلدىزىندا پەتروپاۆل قالاسىنىڭ مامانداندىرىلعان اكىمشىلىك سوتى بۇزۋشىنى قىلمىسكەر دەپ تاۋىپ، ا ق ب ت ك 453-بابى 2-بولىگى بويىنشا ايىپتاپ، وعان 20 ايلىق ەسەپتىك كورسەتكىش كولەمىندە ايىپپۇل سالدى.

«س ق و پ د ە قءى ق ب قىزمەتكەرلەرى ءدىن زاڭناماسى سالاسىندا قۇقىق بۇزۋشىلىقتاردى انىقتاۋ بويىنشا تۇراقتى نەگىزدە جۇمىس جۇرگىزەدى. تۇرعىنداردىڭ دەسترۋكتيۆتى ءدىني اعىمداردى ۇستانۋشىلار قاتارىنا قوسىلىپ كەتۋىن بولدىرماۋ ءۇشىن الدىن الۋ جۇمىستارى جاسالادى. قازىر ەكسترەميستىك اعىمعا جاڭا ۇستانۋشىلاردى تارتۋ نەگىزىنەن مەسسەندجەرلەر مەن الەۋمەتتىك جەلىلەر ارقىلى جۇزەگە اسىرىلادى. اعىمعا تارتۋشى ادام ساقتىقپەن ارەكەت ەتەدى. دەي تۇرعانىمەن، جىل باسىنان بەرى سقو اۋماعىندا ءدىن سالاسىندا 13 قۇقىق بۇزۋشىلىق انىقتالدى. 8 قۇقىق بۇزۋشى اكىمشىلىك جاۋاپكەرشىلىككە تارتىلدى، قالعاندارىنا ءدىنتانۋ ساراپتامالارى تاعايىندالدى»، - دەدى س ق و پوليتسيا دەپارتامەنتى باستىعىنىڭ ورىنباسارى، پوليتسيا پولكوۆنيگى رۋسلان نازاروۆ.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات