+7 (701) 759 90 19
10 °С : نۇر-سۇلتان
23 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

مينيستر ايماعامبەتوۆ ءبىلىم باسقارمالارىنىڭ باسشىلارىن سىنعا الدى

15 قىركۇيەك 13:16
:ءبولىسۋ
مينيستر ايماعامبەتوۆ ءبىلىم باسقارمالارىنىڭ باسشىلارىن سىنعا الدى

نۇر-سۇلتان. قازاقپارات - ءبىلىم جانە عىلىم ءمينيسترى اسحات ايماعامبەتوۆ جان باسىنا قارجىلاندىرۋ جۇيەسىمەن جۇمىس جۇرگىزبەگەن ءبىلىم باسقارمالارىنىڭ باسشىلارىن سىنعا الدى، دەپ حابارلايدى قازاقپارات ءتىلشىسى.

«ءبىزدىڭ قوعامدا قالىپتاسىپ قالعان ۇعىم بار. ءبىلىم سالاسىنا قاتىستى بولعاننان كەيىن بالاباقشا، مەكتەپ، ءبىلىم باسقارماسى بولسىن - تىكەلەي قارجىلاندىرىپ، باسقارىپ، تاعايىنداپ، جابدىقتاپ وتىرادى دەگەن پىكىر قالىپتاسىپ قالعان. اينالىپ كەلگەندە ەڭ ءبىرىنشى سۇراق تا، سىن دا مينيسترلىككە تۇسەدى. ءبىراق تاعى دا ايتا كەتەيىك: «قازاقستان رەسپۋبليكاسىنىڭ ءبىلىم تۋرالى» زاڭىنا سايكەس بۇل ماسەلەلەر تىكەلەي جەرگىلىكتى اكىمدىكتەردىڭ قۇزىرەتىندە. جەرگىلىكتى ءبىلىم باسقارمالارى مەن بولىمدەرى مەكتەپتەرگە، بالاباقشالار مەن كوللەدجدەرگە قاتىستى بارلىق ساياساتتى ىسكە اسىرادى. قارجىلاندىرۋ دا، جابدىقتاۋ دا، كومپيۋتەر ساتىپ الىپ، ينتەرنەتپەن قامتاماسىز ەتۋ دە جەرگىلىكتى بيۋدجەتتەن بولادى. قوعامدا وسى ايتىلعان ماسەلەلەر كوپ كوتەرىلۋدە»، - دەدى اسحات ايماعامبەتوۆ ءبىلىم جانە عىلىم مينيسترلىگىنىڭ اپپاراتتىق وتىرىسىندا. ءمينيستردىڭ ايتۋىنشا، جان باسىنا قارجىلاندىرۋ بويىنشا ءبىلىم سالاسىن دامىتۋ ءۇشىن ارنايى نىسانالى ترانسفەرتتەرگە قاتىستى دا سۇراقتار تۋىنداپ جاتىر.

«نۇر-سۇلتان، الماتى مەن شىمكەنت قالاسىن ساناماعاندا وڭىرلەردە جان باسىنا قارجىلاندىرۋ جۇيەسى ىسكە اسىرىلادى. ءبىراق قاراجات بيىلعى جىلدىڭ قاڭتار ايىنان ءتۇسىپ وتىر عوي. بۇل دەگەنىمىز ماتەريالدىق-تەحنيكالىق بازاعا جۇمسالاتىن قارجىنى سىزدەر (وبلىستىق ءبىلىم باسقارمالارىنىڭ باسشىلارىنا قاراتا) قاڭتار ايىنان باستاپ يگەرۋلەرىڭىز كەرەك ەدى. مەكتەپتەرگە بۇل قاراجات سوندا كەرەگى جوق پا؟ قالاي تۇسىنۋگە بولادى؟ مەملەكەت بەرىپ تۇرعان مۇمكىندىكتى پايدالانباعان كەزدە ارينە سۇراق وتە كوپ تۋىندايدى»، - دەدى اسحات ايماعامبەتوۆ.

اۆتور: ايان بەكەن ۇلى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات