قانات يسلام بيىلعى قازاندا رينگكە ورالادى

نۇر- سۇلتان. قازاقپارات - بيىلعى 16-قازان كۇنى ا ق ش- تىڭ فلوريدا شتاتى پلانت- سيتي قالاسىندا Nelsons Promotion كومپانياسىنىڭ كاسىپقوي بوكس كەشى وتەدى.

وندا رينگكە قازاقستاننان قوس سپورتشى شىعاتىنى جوسپارلانعان، دەپ حابارلايدى قازاقپارات.

ۆكونتاكتە الەۋمەتتىك جەلىسىندەگى «قازاقستاننىڭ كاسىپقوي بوكسى» پاراقشاسىندا ءمالىم ەتىلگەندەي، كەش بارىسىندا پروفيدەگى العاشقى ايقاسىن وتاندىق سپورتشى دارحان جۇمساقبايەۆ وتكىزەدى. جارتىلاي جەڭىل سالماقتاعى جەكپە- جەكتەگى ونىڭ قارسىلاسى 31 جاستاعى نيكاراگۋالىق وسمەل مايورگا (2-0، 1 ك و) بولماق. كەزدەسۋ 6 راۋندقا ەسەپتەلگەن.

سونداي- اق اتالمىش تۋرنيرگە قانات يسلام (27-0، 21 ك و) قاتىساتىنى حابارلانۋدا. ونىڭ وپپونەنتىنىڭ ەسىمى ازىرگە جاريالانعان جوق. ق. يسلام سوڭعى ايقاسىن بىلتىر، 26 -قازان كۇنى الماتىدا وتكىزگەن ەدى. ول ناميبيا وكىلى ۋولتەر كاۋتوندوكۆانى (18-2, 17ك و) تورەشىلەردىڭ ءبىراۋىزدى شەشىمىمەن جەڭدى.