سەنبى- جەكسەنبىدە فيتنەس ورتالىقتارى مەن سپورت كەشەندەرى جۇمىس ىستەيتىن بولدى

نۇر- سۇلتان. قازاقپارات - قازاقستاندا دەمالىس كۇندەرى فيتنەس ورتالىقتارى مەن سپورت زالدارىنىڭ جۇمىس ىستەۋىنە رۇقسات بەرىلدى، دەپ حابارلايدى قازاقپارات.

بۇگىن ق ر پرەمەر- ءمينيسترىنىڭ ورىنباسارى ە. توعجانوۆتىڭ توراعالىعىمەن وتكەن ۆەدومستۆوارالىق كوميسسيانىڭ وتىرىسىندا سانيتارلىق- ەپيدەميولوگيالىق احۋالدى تۇراقتاندىرۋ جانە جۇمىس كۇندەرى كەلۋشىلەر اعىنىن ازايتۋ ماقساتىندا دەمالىس كۇندەرى ءبىرقاتار نىسانداردىڭ جۇمىس ىستەۋىنە رۇقسات بەرۋ تۋرالى شەشىم قابىلداندى.

ونىڭ ىشىندە فيتنەس ورتالىقتارى، سپورت- ساۋىقتىرۋ ورتالىقتارى، ترەناجەر زالدارى، سپورت كەشەندەرى، سپا- سالوندار، ساۋنالار، باسسەيندەرگە (پورتالدا تىركەلۋ infokazakhstan.kz, تولىمدىلىعى %30 ارتىق ەمەس، ءبىراق 50 ادامنان ارتىق ەمەس، الدىن الا جازىلۋ، بەتپەردە رەجيمىن، الەۋمەتتىك قاشىقتىقتى ساقتاۋ) جۇمىس ىستەۋگە تىيىم سالىنبايتىنى ايتىلعان.