كوروناۆيرۋستىڭ ەكىنشى تولقىنى بالالارعا قالاي اسەر ەتەدى؟ سوي جاۋاپ بەردى
«ءبىز مۇنى باقىلاپ وتىرمىز. قازىر اۋىرىپ جاتقان بالالار كوپ ەمەس. كۇن سايىن بىزدە ەپيدەميولوگيالىق مونيتورينگ جۇرگىزىلەدى. وسىنداي ديناميكا جالعاسا بەرەدى دەپ ۇمىتتەنەمىز»، - دەدى سوي.
ايتا كەتەيىك، ەۋروپا ەلدەرىندە وقۋشىلار اراسىندا كوروناۆيرۋس ينفەكسياسىنىڭ ءورشۋى بايقالادى.
بۇعان دەيىن دەنساۋلىق ساقتاۋ مينيسترلىگى كوروناۆيرۋستىڭ جاڭا تولقىنى تۋرالى ايتقان بولاتىن. ول كورشى ەلدەردە، اسىرەسە ەۋروپا اۋماعىندا، ءارى ت م د-دا اۋرۋ ءوسىمى بايقالاتىنىن، سوندىقتان جاعدايدى باقىلاۋدا ۇستاۋ كەرەك ەكەنىن ءتۇسىندىردى.
«ءبىز كورسەتكىشتەردىڭ جاقسى بولۋىنا قاراماستان توسەك- ورىن قورىن قۇرىپ، دارىلەردى ساتىپ الىپ، جەكە قورعانىس قۇرالدارى، ماسكامەن قامتاماسىز ەتىپ جاتىرمىز. ءبىز كوروناۆيرۋستىڭ ەكىنشى تولقىنىنا دايىندالىپ جاتىرمىز. اۋرۋ ءوسىمىنىڭ 30 پايىزى ماسكا تاعۋعا جانە الەۋمەتتىك قاشىقتى ساقتاۋعا بايلانىستى ەكەنىن بىرنەشە رەت ايتقانبىز. امال نە، ءبىزدىڭ تۇرعىندار ماسكا تاعىپ جۇرگەن جوق. اسىرەسە، مۇنداي جاعدايدى ادام كوپ جينالعان ورىنداردان بايقاۋعا بولادى. ءبىز وسى تالاپتى ورىنداۋعا شاقىرىمىز. ءبىز بۇل تولقىننىڭ بولاتىنىنا جانە بولمايتىنىنا ءوزىمىز اسەر ەتە الامىز»، - دەيدى سوي.