08:58, 14 - قىركۇيەك 2020 | GMT +6
قازاقستاندىق تەننيسشى بۋحارەستەگى تۋرنيردىڭ چەمپيونى اتاندى
نۇر-سۇلتان. قازاقپارات - قازاقستاندىق تيموفەي سكاتوۆ بۋحارەستەگى ITF تۋرنيرىنىڭ جەڭىمپازى اتاندى، دەپ حابارلايدى قازاقپارات ءتىلشىسى.
دۇنيەجۇزىلىك رەيتينگتە 523-ورىندا تۇرعان قازاقستاندىق تەننيسشى بارلىعى بەس كەزدەسۋ وتكىزىپ، بارىندە جەڭىسكە جەتتى.
سونىڭ ىشىندە ت. سكاتوۆ ەكىنشى اينالىمدا جارىستىڭ ءبىرىنشى، الەمنىڭ 284-راكەتكاسى، فرانسيالىق مانۋەل گيناردى 6:4، 7:6 (7:4) ەسەبىمەن تىزە بۇكتىردى.
بۇگىن فينالدا قازاقستاندىق تەننيسشى رەيتينگتە 785-ساتىدا تۇرعان يتاليالىق فرانكو اگامەنونەنى 6:4، 6:4 ەسەبىمەن ۇتىپ، باس جۇلدەگە يە بولدى.
ەسكە سالا كەتەيىك، بۇدان بۇرىن م. كۋكۋشكيننىڭ ريم جارىسىنىڭ ىرىكتەۋ سايىسىن جەڭىسپەن باستاعانىن جازعان بولاتىنبىز.