جانىبەك ءالىمحان ۇلى تيتۋلدىق ايقاسىنا دايىندىعى تۋرالى ايتتى
ايتا كەتەيىك، ج. ءالىمحان ۇلى تانىمال تالىمگەر دجەيمس «باددي» ماكگيرتتىڭ جەتەكشىلىگىمەن كاليفورنيادا جاتتىعادى.
«ەكى اپتادا 26 راۋند سپاررينگ جاسادىق. بۇيىرتسا 64 راۋند سپاررينگ قالدى. جەكپە-جەككە دايىندىق جوعارى دەڭگەيدە ءجۇرىپ جاتىر. چەمپيوندىق تيتۋلعا جاقىنداپ قالدىق. بىزگە بوساڭسۋعا ۋاقىت جوق. بارىمىزدى سالىپ جاتىرمىز. قۇداي قالاسا، تاريح جاسايمىز. QAZAQ STYLE «، - دەپ جازدى بوكسشى Instagram-داعى پاراقشاسىندا.
جانىبەك سوڭعى ايقاسىن وتكەن جىلدىڭ قاراشا ايىندا ا ق ش- تىڭ كاليفورمنيا شتاتى فرەسنو قالاسىندا وتكىزدى. ول كانادالىق بوكسشى البەرت ءونولۋنوستى (24-3-1، 8 ك و) التىنشى راۋندتا نوكاۋتقا جىبەرگەن بولاتىن.
ۆكونتاكتە الەۋمەتتىك جەلىسىندەگى «قازاقستاننىڭ كاسىپقوي بوكسى» پاراقشاسىندا ءمالىم ەتىلگەندەي، قازاقستاندىق بوكسشىنىڭ كەلەسى جەكپە-جەگى بيىلعى قازان ايىندا ءوتۋى ءتيىس.