«كانەلو» نەگە گولوۆكينمەن جەكپە- جەك وتكىزۋگە مۇقتاج

نۇر- سۇلتان. قازاقپارات - The Ring جۋرنالىنىڭ باس ديرەكتورى دۋگلاس فيشەر قازاقستاندىق بوكسشى گەننادي گولوۆكيننەن باسقا بىردە- ءبىر بوكسشى ساۋل الۆارەسكە ۇلكەن «اقشا» اكەلمەيتىنىن ايتتى، دەپ حابارلايدى قازاقپارات Sports.kz كە سىلتەمە جاساپ.

«كانەلونىڭ» ءبىر جەكپە- جەگى ءۇشىن 35 ميلليون دوللار تولەمىن اقتاۋعا كومەكتەسەتىن گولوۆكيننەن باسقا بوكسشى بار ما؟

- DAZN- گە كومەكتەسە الاتىن بوكسشىلاردىڭ اراسىندا وندايى جوق. ءتىپتى كانەلو مەن GGG- ءدىڭ ءۇشىنشى جەكپە- جەگى ا ق ش- تاعى كوروناۆيرۋس پاندەمياسىنا بايلانىستى ەكونوميكالىق كليماتتى ەسكەرە وتىرىپ، الۆارەستىڭ كەپىلدەندىرىلگەن تولەمىن اقتايدى جانە جابادى دەۋى فاكت ەمەس. پاريماتچ بۋكمەكەرلىك كەڭسەسىنىڭ ىقتيمال ءۇشىنشى جەكپە- جەگىنە مىناداي كوەففيتسيەنتتەر ۇسىنىلادى: «كانەلونىڭ» جەڭىسى - 1.53، گولوۆكيننىڭ جەڭىسى - 2.4، تەڭ ويىن - 19. ءبىرىنشى جەكپە- جەك داۋ- دامايمەن اياقتالسا، ەكىنشىسى سۋديالاردىڭ كوپشىلىك داۋسىمەن الۆارەستىڭ جەڭىسى دەپ ەسەپتەلدى.