قازاقستان مەن قىتايدىڭ سىرتقى ىستەر مينيسترلەرى كەلىسسوز جۇرگىزدى
جۇمىس ساپارى اياسىندا قىتايدىڭ مەملەكەتتىك كەڭەسىنىڭ مۇشەسى ءارى سىرتقى ىستەر ءمينيسترى ۆ. ءيدى قازاقستان رەسپۋبليكاسىنىڭ پرەزيدەنتى قاسىم- جومارت توقايەۆ پەن قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆ قابىلدادى. كەزدەسۋلەردىڭ بارىسىندا ءارتۇرلى سالادا ءوزارا ءتيىمدى ەكىجاقتى ىنتىماقتاستىقتى دامىتۋ ماسەلەلەرى تالقىلاندى. بۇل تۋرالى قازاقپارات ءتىلشىسى ق ر س ءى م- ءنىڭ Telegram-ارناسىنا سىلتەمە جاساپ حابارلايدى.
سونىمەن قاتار قازاقستان رەسپۋبليكاسىنىڭ سىرتقى ىستەر ءمينيسترى مۇحتار تىلەۋبەردى مەن ق ح ر سىرتقى ىستەر ءمينيسترى ۆان ءيدىڭ كەلىسسوزى ءوتتى. ونىڭ بارىسىندا تاراپتار جوعارى جانە بيىك دەڭگەيدەگى قول جەتكىزىلگەن كەلىسىمدەرگە بەيىلدىلىك تانىتتى. سونداي- اق ەكى ەل اراسىنداعى ساياسي، ساۋدا- ەكونوميكالىق جانە مادەني- گۋمانيتارلىق ءوزارا سەرىكتەستىكتى دامىتۋ ماسەلەلەرى بويىنشا ويلارىمەن ءبولىستى. ودان بولەك، «نۇرلى جول» باعدارلاماسى مەن «ءبىر بەلدەۋ، ءبىر جول» باستاماسىن ۇندەستىرۋ، سونىمەن بىرگە ب ۇ ۇ، ش ى ۇ، ا ءو ى س ش ك جانە «ورتالىق ازيا - قىتاي» ديالوگ الاڭدارى اياسىندا ءوزارا ىنتىماقتاستىقتى كۇشەيتۋ ماسەلەسى تۋرالى ءسوز قوزعالدى. س ءى م باسشىلارى COVID-19 جاھاندىق پاندەمياسىنا بىرلەسە قارسى تۇرۋ ماسەلەسىندە ءوزارا ىقپالداسا ارەكەت ەتۋدى جانداندىرىپ، وسى جىلدىڭ سوڭىنا دەيىن ۆيدەوكونفەرەنتسيا بايلانىسى ارقىلى ەكىجاقتى ماڭىزدى شارالاردى وتكىزۋگە كەلىستى. كەلىسسوزدەردىڭ ناتيجەسى بويىنشا مينيسترلەر قازاقستان- قىتاي ستراتەگيالىق ىنتىماقتاستىقتىڭ نەگىزگى ماسەلەلەرى بويىنشا ءبىرقاتار ماڭىزدى كەلىسىمگە قول جەتكىزدى.