+7 (701) 759 90 19
3 °С : نۇر-سۇلتان
7 °С : الماتى
USD 430.51 EUR 505.72
RUB 5.51 CNY 64.14
جاڭالىقتار

قازاقستان پرەزيدەنتى قىتايدىڭ سىرتقى ىستەر ءمينيسترىن قابىلدادى

12 قىركۇيەك 20:30
:ءبولىسۋ
قازاقستان پرەزيدەنتى قىتايدىڭ سىرتقى ىستەر ءمينيسترىن قابىلدادى

نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ ق ح ر سىرتقى ىستەر ءمينيسترى ۆاڭ يدى قابىلدادى، دەپ حابارلايدى قازاقپارات اقورداعا سىلتەمە جاساپ.

تاراپتار ەكىجاقتى ىنتىماقتاستىقتىڭ قازىرگى جاعدايى مەن پەرسپەكتيۆالارىن، حالىقارالىق جانە وڭىرلىك ۇيىمدار اياسىنداعى ىقپالداستىقتى، COVID-19 ىندەتىنىڭ تارالۋىن بولدىرماۋ جونىندەگى ءىس- قيمىلداردى ۇيلەستىرۋ ماسەلەلەرىن تالقىلادى.

قاسىم-جومارت توقايەۆ تىعىز ساياسي ديالوگقا جانە ءوزارا ءتيىمدى ساۋدا- ەكونوميكالىق ىنتىماقتاستىققا نەگىزدەلگەن قازاق- قىتاي قاتىناستارىنىڭ دامۋ قارقىنى مەن دوستىق بايلانىستاردى جوعارى باعالادى.

مەملەكەت باسشىسى ەكونوميكانىڭ ءتۇرلى سالالارىنداعى ينۆەستيتسيالىق جوبالاردى، سونىڭ ىشىندە اۋىل شارۋاشىلىعى باعىتىنداعى جوبالاردى جۇزەگە اسىرۋدىڭ ماڭىزدى ەكەنىن اتاپ ءوتتى. «قازاقستاندىق ءونىم وندىرۋشىلەردىڭ اۋىل شارۋاشىلىعى بويىنشا قىتايعا ەكسپورتتايتىن ونىمدەرىنىڭ، اتاپ ايتقاندا ءداندى جانە مايلى داقىلداردىڭ نومەنكلاتۋراسى ۇلكەن».

پرەزيدەنت جان-جاقتى ستراتەگيالىق سەرىكتەستىككە قوسىمشا سەرپىن بەرۋ ماقساتىمەن ق ح ر ءتوراعاسى شي جينپيڭدى قازاقستانعا ساپارمەن كەلۋگە شاقىرعانىن ناقتىلادى.


ۆاڭ ي ءوز كەزەگىندە قىتاي باسشىسىنىڭ جىلى لەبىزى مەن اۋىزشا سالەمدەمەسىن جەتكىزدى.

شي جينپيڭنىڭ ايتۋىنشا: «قازاقستان - ايماقتاعى ماڭىزدى ستراتەگيالىق سەرىكتەس جانە قىتاي ەكى ەل حالىقتارىنىڭ يگىلىگى جولىندا ءوزارا ىنتىماقتاستىقتى جان- جاقتى نىعايتۋعا ءازىر». قىتاي ديپلوماتى «ق ح ر باسشىلىعى ق ر پرەزيدەنتى جاريالاعان قازاقستان قوعامىنىڭ قاجەتتىلىكتەرىن ەسكەرە وتىرىپ، ساياسي جانە الەۋمەتتىك- ەكونوميكالىق جاڭعىرتۋلارعا باعىتتالعان رەفورمالاردى قۇپتايدى» دەدى.


سونىمەن قاتار ۆاڭ ي ق ح ر-دىڭ ەكىجاقتى كۇن ءتارتىبىنىڭ ماڭىزدى بولىگى بولىپ تابىلاتىن قازاقستانمەن ساۋدا- ەكونوميكالىق بايلانىستاردى كەڭەيتۋگە زور كوڭىل بولەتىنىن اتاپ ءوتتى. وسى ورايدا ۆاڭ ي قازاقستان دەلەگاتسياسىن قىتايدا وتەتىن ەكسپو حالىقارالىق يمپورت كورمەسىنە قاتىسۋعا شاقىردى.

اڭگىمەلەسۋ بارىسىندا تاراپتار حالىقارالىق وزەكتى ماسەلەلەر بويىنشا، اتاپ ايتقاندا كوروناۆيرۋس ينفەكسياسىنا قارسى ءىس- قيمىل سالاسىنداعى ىنتىماقتاستىق جونىندە دە پىكىر الماستى. مەملەكەت باسشىسى قىتاي تاراپىنا ۋاقىتىلى كورسەتىلگەن گۋمانيتارلىق جانە مەديتسينالىق كومەك ءۇشىن العىس ءبىلدىرىپ، پاندەمياعا قارسى كۇرەستە بىرلەسكەن شارا قولدانۋعا ءازىر ەكەنىن ايتتى. كەزدەسۋ سوڭىندا تاراپتار ۇزاق مەرزىمدى جان-جاقتى ستراتەگيالىق ارىپتەستىكتى ودان ءارى نىعايتۋعا دايىن ەكەندەرىن ءبىلدىردى.




:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات