08:42, 12 - قىركۇيەك 2020 | GMT +6
قازاقستاندىق «سارى مىسىق» فيلمىنىڭ تۇساۋكەسەرى ۆەنەتسيادا ءوتتى
ليدو. قازاقپارات - كەشە 77- حالىقارالىق ۆەنەتسيا كينوفەستيۆالىنىڭ «كوكجيەكتەر» باعدارلاماسىنىڭ اياسىندا قازاقستاندىق رەجيسسەر ءادىلحان ەرجانوۆتىڭ «سارى مىسىق» اتتى جاڭا تۋىندىسىنىڭ تۇساۋى كەسىلدى، دەپ حابارلايدى قازاقپارات.
«قازاق فيلم» كينوستۋدياسىنىڭ مالىمەتىنشە، كارتينانىڭ تۇساۋكەسەرىنە فيلمنىڭ رەجيسسەرى، سونداي- اق پروديۋسەرلەر ولگا حلاشيەۆا، سەرىك ابىشيەۆ، گيوم دە سيەل مەن اسەل ءسادۋاقاسوۆا جانە اكتەرلەر سانجار ءمادي، ازامات نىعمانوۆ پەن كاميلا نۇعمانوۆا قاتىسقان. ايتا كەتەيىك، بۇعان دەيىن قازاقستاندىق كينوگەرلەر دەلەگاتسياسى 77- حالىقارالىق ۆەنەتسيا كينوفەستيۆالىنە قاتىسۋ ءۇشىن كارى قۇرلىققا امان- ەسەن جەتكەن ەدى.
شارا بارىسىندا «سارى مىسىق» ، «مۇقاعالي» جانە «وبۋچەنيە ادەموكي» جوبالارى ديستريبيۋتورلارعا تانىستىرىلىپ، كەلىسسوز جۇرگىزىلەدى.