اقتاۋداعى اتىس: وق ءتيىپ جارالانعان ازامات ەسىن جيماستان كوز جۇمدى
وقيعا كەزىندە وق ءتيىپ جارالانعان ەر ادام كوز جۇمدى، دەپ حابارلايدى قازاقپارات Lada.kz رەسۋرسىنا سىلتەمە جاساپ.
ماڭعىستاۋ وبلىستىق پوليتسيا دەپارتامەنتىنىڭ مالىمەتىنشە، اتىس بولىپ جاتقانى تۋرالى اقپارات پوليتسيا كەزەكشى بولىمىنە كەشە كەشكى ساعات 19:55 شاماسىندا تۇسكەن.
وقيعا ورنىنا جەدەل تەرگەۋ توبى كەلىپ جەتتى. جاراقات العان ازامات ماڭعىستاۋ وبلىستىق اۋرۋحاناسىنا جەتكىزىلگەن.
الايدا ول ەسىن جيماستان قايتىس بولدى. پوليتسيا قىزمەتكەرلەرى كۇدىكتىنى ۇستاپ، ۋاقىتشا يزولياتورعا قامادى.
«اتالعان فاكتى ق ر قىلمىستىق كودەكسىنىڭ 99-بابى بويىنشا تىركەلگەن. سوت-مەديتسينالىق ساراپتاما تاعايىندالدى. سوتقا دەيىنگى تەرگەۋ جۇمىستارى ءجۇرىپ جاتىر»، - دەپ ءمالىم ەتتى دەپارتامەنتتىڭ باسپا ءسوز قىزمەتى.
ەسكە سالا كەتەيىك، كەشە كەشكىسىن 5-شاعىناۋدان تۇرعىندارى الەۋمەتتىك جەلىدە اۋلادا اتىس بولىپ جاتقانىن حابارلاعان بولاتىن.