+7 (701) 759 90 19
3 °С : نۇر-سۇلتان
8 °С : الماتى
USD 430.51 EUR 505.72
RUB 5.51 CNY 64.14
جاڭالىقتار

كارانتين: قازاقستانعا شەتەلدەن ۇشىپ كەلگەندەرگە قاتىستى شەكتەۋلەر قالاي وزگەردى

10 قىركۇيەك 14:25
:ءبولىسۋ
كارانتين: قازاقستانعا شەتەلدەن ۇشىپ كەلگەندەرگە قاتىستى شەكتەۋلەر قالاي وزگەردى

نۇر-سۇلتان. قازاقپارات - يندۋستريا جانە ينفراقۇرىلىمدىق دامۋ مينيسترلىگى قازاقستانعا ۇشىپ كەلگەندەرگە قاتىستى قانداي شەكتەۋ شارالارى كۇشىندە قالعانىن جاريا ەتتى، دەپ حابارلايدى قازاقپارات ءتىلشىسى.

قازاقستانعا ۇشىپ كەلگەن شەتەلدىكتەر قازىرگى ۋاقىتتا ەكى اپتالىق كارانتينگە جاتقىزىلا ما؟ ىندەت ورشىگەن ۋاقىتتا اۋە قاتىناسى بويىنشا مەملەكەتتەردى قاۋپى بار توپتارعا ءبولۋ ءتارتىبى كۇشىندە مە؟ «قازاقپارات» ح ا ا يندۋستريا جانە ينفراقۇرىلىمدىق دامۋ مينيسترلىگىنە وسىنداي رەسمي ساۋال جولداعان ەدى.

«ق ر باس مەملەكەتتىك سانيتاريالىق دارىگەرىنىڭ 2020 -جىلعى 15-تامىزداعى № 48-قاۋلىسىنا سايكەس، حالىقارالىق تۇراقتى اۋە رەيستەرى بويىنشا مەملەكەتتەر ءۇشىن ءبىرقاتار شەكتەۋ شاراسى كۇشىندە قالعان. اتاپ ايتقاندا 1-ساناتقا ەنگىزىلگەن قىتاي، وڭتۇستىك كورەيا، جاپونيا، گرۋزيا، تايلاند، ۆەنگريا، ءۇندىستان، گەرمانيا، چەحيا، مالايزيا، ءباا، بەلارۋس، تۇركيا، مىسىر، ۋكراينا، نيدەرلاندى، رەسەي ەلدەرىنەن كەلگەندەر تەرمومەتريا مەن ساۋالنامادان وتەدى»، - دەلىنگەن جاۋاپتا. ال 2-ساناتقا جاتاتىن پولشا، وزبەكستان، تاجىكستان جانە ءۇشىنشى ساناتتاعى مەملەكەتتەرمەن تۇراقتى ەمەس (ەۆاكۋاتسيالىق جانە چارتەرلىك) رەيستەر جاسايتىن ەلدەر - تەرمومەتريا مەن ساۋالنامادان وتەدى.

سونداي- اق وسى مەملەكەتتەردىڭ ازاماتتارى ەگەر ق ر-نىڭ مەملەكەتتىك شەكاراسىن كەسىپ وتكەن كۇننەن باستاپ 5 كۇننەن كەشىكتىرمەي پ ت ر تاسىلىمەن زەرتحانالىق زەرتتەۋدىڭ تەرىس ناتيجەسى بار COVID-19 ساراپتاماسىنىڭ انىقتاماسى بولسا (بۇدان ءارى - انىقتاما) - قازاقستانعا شەكتەۋسىز كىرە الادى. انىقتاما بولماعان جاعدايدا ۇشىپ كەلگەن كۇننەن باستاپ 48 ساعات ىشىندە پ ت ر تاسىلىمەن COVID-19 بويىنشا زەرتحانالىق تەكسەرۋدەن مىندەتتى تۇردە ءوتۋى تۋرالى حابارلاما بەرۋى نەمەسە 14 كۇنگە ءۇي كارانتينى جاتقىزىلۋى كەرەك. 1-جانە 2-ساناتتاعى ەلدەردەن باسقا بارلىق ەلدەر بويىنشا تۇراقتى رەيستەرگە تىيىم سالىنعان.

«ق ر باس مەملەكەتتىك سانيتاريالىق دارىگەرى اتالعان ەلدەردەگى جاعدايدى قاداعالاپ، ەپيدەميولوگيالىق جاعداي ناشارلاعان كەزدە ءتيىستى شارالار قابىلدايدى»، - دەلىنگەن جاۋاپتا.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات