+7 (701) 759 90 19
3 °С : نۇر-سۇلتان
9 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

جەتى جاسار قازاق بالاسى نورۆەگيادا انتيادرولىق ۆەلوشەرۋگە قاتىستى

10 قىركۇيەك 09:45
:ءبولىسۋ
جەتى جاسار قازاق بالاسى نورۆەگيادا انتيادرولىق ۆەلوشەرۋگە قاتىستى

وسلو. قازاقپارات - جەتى جاسار قازاق بالاسى التاير وماروۆ قازاقستاندىق ديپلوماتتار «Bike for Peace « قوزعالىسىمەن بىرگە شىعىس نورۆەگيا قالالارىندا ۇيىمداستىرعان انتيادرولىق ۆەلوشەرۋگە قاتىستى.

بۇل شارا ب ۇ ۇ قازاقستان باستاماسى بويىنشا جاريالاعان حالىقارالىق يادرولىق سىناقتارعا قارسى ءىس-قيمىل كۇنىنە ورايلاستىرىلعان، دەپ حابارلايدى قازاقپارات.

«الەمدە سوعىس بولماسا دەپ تىلەيمىن. ءار ەلدىڭ بالالارى ءبىر-بىرىمەن ەركىن ويناي الاتىن بەيبىت الەمدە ءومىر سۇرگىم كەلەدى» دەدى بالاقاي شەرۋگە اتتانار الدىندا.

سالتاناتتى ستارت برۋمۋندال قالاسىندا، اعاشتان جاسالعان الەمدەگى ەڭ ۇلكەن نىسان، بيىكتىگى 85 مەتردەن اساتىن عيماراتتىڭ جانىندا باستالدى. شاراعا قازاقستاننىڭ نورۆەگياداعى ەلشىسى ەركىن اقىنجانوۆ، كوممۋنا مەرى رينگساكەر انيتا يلە ستين، «Bike for Peace « قوزعالىسىنىڭ نەگىزىن سالعان تورە نەرلاند، ۇكىمەتتىك ەمەس ۇيىم وكىلدەرى، انتيادرولىق قوزعالىس بەلسەندىلەرى مەن ەكولوگتار قاتىستى.

قازاقستان ەلشىسى ءسوز سويلەپ، ەلىمىزدىڭ سىرتقى ساياسي باستامالارى جايلى اڭگىمەلەدى. ونىڭ ىشىندە اسىرەسە انتيادرولىق ماسەلەلەرگە قاتىستى شەشىمدەرىنە كوبىرەك توقتالدى.

«قازاقستان تاۋەلسىزدىك العان كەزدە يادرولىق الەۋەتى بويىنشا الەمدەگى ءتورتىنشى ەل بولاتىن. بۇل مەملەكەت وزىنە تيەسىلى بۇكىل يادرولىق قارۋدىڭ كوزىن جويدى. بۇل - باسقا يادرولىق ەلدەر ءۇشىن كورنەكتى ۇلگى» دەپ اتاپ ءوتتى «Bike for Peace « قوزعالىسىنىڭ جەتەكشىسى تورە نەرلاند.

ول قازاقستانعا، ونىڭ ىشىندە سەمەيگە جاساعان ساپارىن جىلىلىقپەن ەسكە الدى. ۆەلوشەرۋ باستالعاننان كەيىن قاتىسۋشىلار حامار قالاسىن بەتكە الدى. ولار سول قالاداعى مەريا عيماراتىنىڭ الدىنا كەلىپ توقتادى. ۆەلوجارىسقا قاتىسۋشىلاردى قالا مەرى ەينار بۋستەرۋد قارسى الدى.

قىسقا ۇزىلىستەن كەيىن جارىسقا قاتىسۋشىلار حاماردان شتانگە شاھارىنا اتتاندى. وندا ولاردى مەر نيلس رەنە كۇتىپ الدى. ۆەلوجارىسقا قاتىسۋ اياسىندا قازاقستان ەلشىسى برۋمۋندال، حامار جانە شتانگە قالالارىنىڭ اكىمدەرىمەن ءبىرقاتار ەكىجاقتى كەزدەسۋ وتكىزدى.

ونىڭ بارىسىندا ەلشى ولاردى قازاقستان پرەزيدەنتى ق. توقايەۆتىڭ جۋىردا جاريالاعان «جاڭا جاعدايداعى قازاقستان: ءىس- قيمىل كەزەڭى» جولداۋىنىڭ نەگىزگى باعىتتارىمەن تانىستىردى، كوروناۆيرۋسقا قارسى ءىس-قيمىل بويىنشا ءبىزدىڭ ەل قابىلداعان شارالارعا توقتالىپ، اۋىل شارۋاشىلىعى، «جاسىل» ەكونوميكا، جاڭارتىلعان ەنەرگيا كوزدەرى سياقتى سالالارداعى ءوزارا ءىس-قيمىلدىڭ ءتيىمدى باعىتتارىن تالقىلادى.

التى كۇنگە سوزىلاتىن ۆەلوشەرۋ بارىسىندا قاتىسۋشىلار شىعىس نورۆەگيانىڭ بىرنەشە قالاسىنا بارادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات