+7 (701) 759 90 19
3 °С : نۇر-سۇلتان
9 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

اسحات ايماعامبەتوۆ: بالالارعا ەڭ الدىمەن قازاق تىلىندەگى كىتاپتار قولجەتىمدى بولۋى ءتيىس

8 قىركۇيەك 14:25
:ءبولىسۋ
اسحات ايماعامبەتوۆ: بالالارعا ەڭ الدىمەن قازاق تىلىندەگى كىتاپتار قولجەتىمدى بولۋى ءتيىس

نۇر-سۇلتان. قازاقپارات - ءبىلىم جانە عىلىم ءمينيسترى اسحات ايماعامبەتوۆ كىتاپحانالاردى ادەبي كىتاپتارمەن تولىقتىرۋ ماسەلەسىنە قاتىستى تاپسىرما بەردى، دەپ حابارلايدى قازاقپارات ءتىلشىسى.

«بۇل - وتە ماڭىزدى تاقىرىپ. مۇنىڭ الدىندا دا وسى تاپسىرمانى بەرگەن بولاتىنبىز (مەكتەپ كىتاپحانالارىن ادەبي كىتاپتارمەن تولىقتىرۋ).

وقۋ ساۋاتتىلىعى بويىنشا حالىقارالىق زەرتتەۋلەردى قارايتىن بولساق، ءبىراز پروبلەما بار. ونى شەشۋ ءۇشىن ارينە ءبىز كوركەم ادەبيەتتى بالالارعا وقىتۋ بويىنشا ۇلكەن جۇمىس اتقارۋىمىز كەرەك. ءبىراق قازىر كىتاپحانالارىمىز قانداي جاعدايدا؟ جالپى كىتاپحانا قورى قانداي؟ كىتاپحاناشىلاردىڭ جاعدايى قانداي؟ وسى سۇراقتارعا جاۋاپ بەرەر بولساق، ارينە بۇگىنگى تاڭدا ءبىرقاتار ماسەلە بار. سوندىقتان وسى سالا ۇلكەن وزگەرىستەردى قاجەت ەتەدى»، - دەدى اسحات ايماعامبەتوۆ ءبىلىم جانە عىلىم مينيسترلىگىنىڭ اپپاراتتىق وتىرىسىندا.

مينيستر بۇل باعىتتا جول كارتاسى بەكىتىلەتىنىن جەتكىزدى.

«بۇگىنگى كۇنى قازاق تىلىندە وقۋشىلاردىڭ 70 پايىزعا جۋىعى ءبىلىم الۋدا. ال وقۋشىلار كىتاپحاناعا كەلگەندە بىرىنشىدەن قازاق ادەبيەتى بويىنشا ءتيىستى كىتاپتار بولۋى كەرەك. ول قولجەتىمدى مە؟ وسى ماسەلەنى شەشۋىمىز كەرەك. ەكىنشىدەن قازاق ادەبيەتى ءبىرىنشى بولسا، ودان كەيىن دۇنيەجۇزىلىك ادەبيەت قولجەتىمدى بولۋى ءتيىس. ەڭ ءبىرىنشى كەزەكتە قازاق تىلىندە! مىسالى ايزەك ازيموۆ، رەي برەدبەري سەكىلدى الەمدىك كلاسسيكتەردىڭ قازاق تىلىنە اۋدارىلعان كىتاپتارى بار ما؟ ولار بار بولعانىمەن كىتاپتاردى كىتاپحانالار مەن مەكتەپتەرگە الىپ جاتىرمىز با دەگەن سۇراققا بەرەر بولساق، بۇل شارۋا ءبىراز ەڭبەكتى قاجەت ەتەدى. ول بالالاردىڭ كوكجيەگىن كەڭەيتۋىمىز كەرەك. بالالار ءبىر جاعىنان قازاق، ەكىنشى جاعىنان دۇنيەجۇزىلىك ادەبيەتتەن سۋسىنداپ، وزدەرى جەتىلۋى ءتيىس. سول ارقىلى وقۋ ساۋاتتىلىعىن ارتتىرا الامىز»، - دەدى ول.


اۆتور: ايان بەكەن ۇلى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات