+7 (701) 759 90 19
1 °С : نۇر-سۇلتان
11 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

ماگيستراتۋرا بويىنشا قاي باعىتقا قانشا گرانت ءبولىندى

7 قىركۇيەك 16:43
:ءبولىسۋ
ماگيستراتۋرا بويىنشا قاي باعىتقا قانشا گرانت ءبولىندى

نۇر- سۇلتان. قازاقپارات - 2020-2021 وقۋ جىلىنا ارنالعان ماگيستراتۋرا دارەجەسى بويىنشا قاي باعىتقا قانشا گرانت بولىنگەنى بەلگىلى بولدى.

مالىمەتپەن ق ر ب ع م جوعارى جانە جوعارى وقۋ ورنىنان كەيىنگى ءبىلىم بەرۋ دەپارتامەنتىنىڭ ديرەكتورى ادىلەت تويبايەۆ ءبولىستى، دەپ حابارلايدى قازاقپارات ءتىلشىسى.

«بۇگىن 2020-2021 وقۋ جىلىنا ارنالعان ماگيستراتۋرا دارەجەسى بويىنشا گرانتتاردى تاعايىنداۋ كونكۋرستىق كوميسسيانىڭ سوڭعى وتىرىسى ءوتتى. بەيىندى باعىتتاردا ماگيستراتۋرا بويىنشا گرانت يەگەرلەرى انىقتالدى. وسىمەن كونكۋرستىق كوميسسيانىڭ رەسمي جۇمىسى اياقتالدى. 2020-2021 وقۋ جىلىنا ماگيستراتۋرگاعا 12829 گرانت ءبولىندى. عىلىمي- پەداگوگيكالىق باعىت بويىنشا 12 119، بەيىندىك ماگيستراتۋرعا 710 گرانت ءبولىنىپ وتىر»، - دەدى ول.

ونىڭ اتاپ وتۋىنشە، كەشەندى تەستىلەۋ 17 - تامىز بەن 1 - قىركۇيەك ارالىعىندا ءوتتى. كەشەندى تەستىلەۋ العاش رەت كومپيۋتەرلىك فورماتتا ەلەكتروندى تۇردە وتكىزىلدى.

«كەشەندى تەستىلەۋ اياسىندا الىنعان باللدار نەگىزىندە كونكۋرس بولدى. تەستىلەۋگە 38199 ادام ءوتىنىش بەردى. ولاردىڭ ىشىندە 34746 تالاپكەر قاتىستى. وسى تالاپكەردىڭ اراسىندا 13051 ۇمىتكەر مەملەكەتتىك ءبىلىم بەرۋ گرانتىن تاعايىنداۋ كونكۋرسىنا قاتىسۋ مۇمكىندىگىنە يە بولدى. دەمەك، 13 مىڭنان استام تالاپكەر كەشەندى تەستىلەۋدەن 75-تەن جوعارى بالل جيناعان. 5 - قىركۇيەككە دەيىن كونكۋرسقا قابىلداۋ جۇرگىزدىك. گرانتتاردى تاعايىنداۋ كونكۋرسىنا 12179 ادام قاتىستى. كونكۋرس 2 كۇن جۇرگىزىلدى. ناتيجەسىندە كوميسسيا شەشىمىمەن 10202 ادام گرانت يگەرى اتاندى. ونىڭ 128 ۇمىتكەر بەيىندىك ماگيستراتۋرا نەگىزىندە گرانت الدى»، - دەدى ادىلەت تويبايەۆ.

«باعىتتار بويىنشا ايتار بولساق، وندا بىزدە كەلەسىدەي گرانت سانى بار: پەداگوگيكا عىلىمدارى بويىنشا - 3267، ونەر جانە گۋمانيتارلىق عىلىمدار بويىنشا – 570، الەۋمەتتىك عىلىمدار، جۋرناليستيكا جانە اقپارات باعىتى بويىنشا – 401، بيزنەس باسقارۋ جانە قۇقىق سالاسى بويىنشا – 825، جاراتىلىستانۋ، ماتەماتيكا، ستاتيستيكا باعىتتارى بويىنشا – 963، اقپاراتتىق- كوممۋنيكاتسيالىق تەحنولوگيالار بويىنشا 1170 گرانت تاعايىندالدى. وسى رەتتە ايتا كەتەرلىگى، اقپاراتتىق- كوممۋنيكاتسيالىق تەحنولوگيالار باعىتىندا ۇلكەن كونكۋرس بولدى»، - دەدى ول.

دەپارتامەنت باسشىسىنىڭ ايتۋىنشا، ينجەنەرلىك وڭدەۋ جانە قۇرىلىس ماتەريالدى بويىنشا - 2250، اۋىل شارۋاشىلىعى جانە بيورەسۋرستار بويىنشا – 204، ۆەتەريناريا بويىنشا – 72، دەنساۋلىق ساقتاۋ باعىتى بويىنشا – 115، قىزمەت كورسەتۋ سالاسى بويىنشا 237 گرانت تاعايىندالدى.

«رەسپۋبليكادا ەڭ جوعارى كوكۋرس شەت ءتىلى پەداگوگتارىن دايارلاۋ باعىتى بويىنشا بولدى. 150 بالدىڭ 134 بالمەن ءوتتى. ال ەڭ تومەنگى كونكۋرس ۆەتەريناريا باعىتىندا ورىن الدى. بۇل باعىتتا 72 گرانت تاعايىندالعان ەدى. كونكۋرس ناتيجەلەرىن ءبىلىم جانە عىلىم مينيسترلىگىنىڭ رەسمي سايتىندا جاريالايمىز»، - دەدى ادىلەت تويبايەۆ.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات