توي جاساعان روزا رىمبايەۆانىڭ قۇداسىنا ايىپپۇل سالىندى

اتىراۋ. قازاقپارات - اتىراۋدا ءالي وقاپوۆققا قىز ۇزاتقان وتباسىعا ايىپپۇل سالىندى، دەپ حابارلايدى قازاقپارات.

بۇعان دەيىن الەۋمەتتىك جەلىدە تانىمال ەسترادا ءانشىسى، قازاقستاننىڭ ەڭبەك ەرى روزا رىمبايەۆانىڭ ۇلى ءالي وقاپوۆتىڭ اتىراۋلىق ارۋعا ۇيلەنگەن ساتىنەن فوتولار جاريالانعان ەدى. ءانشىنىڭ ۇلى «اسىل» توبىنىڭ مۇشەسى اقەركە بۇركىتبايمەن شاڭىراق كوتەردى.

«وبلىستىڭ باس مەملەكەتتىك سانيتارلىق دارىگەرىنىڭ توي، وتباسىلىق جيىندار وتكىزۋگە شەكتەۋ سالعانىنا قاراماستان، بيىلعى 19 - تامىزدا اتىراۋ قالاسىنىڭ «سامال» ىقشاماۋدانىنداعى جەكە ۇيدە وتباسىلىق قىز ۇزاتۋ شاراسى وتكەن. ءۇي يەسى وعان تۋما- تۋىستارىن جيناعانى انىقتالدى. كارانتيندىك شەكتەۋ شارالارىنىڭ تالابىن بۇزعان وتباسىعا ق ر اكىمشىلىك قۇقىق بۇزۋشىلىق تۋرالى كودەكسىنىڭ 425-بابى، 1-بولىگىنە سايكەس اكىمشىلىك حاتتاما تولتىرىلىپ، 15 ايلىق ەسەپتىك كورسەتكىش كولەمىندە (41 مىڭنان استام تەڭگە) ايىپپۇل سالىندى» - دەپ حابارلادى وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسپا ءسوز قىزمەتى.

اۆتور: بەك مۇستافا