+7 (701) 759 90 19
3 °С : نۇر-سۇلتان
7 °С : الماتى
USD 430.51 EUR 505.72
RUB 5.51 CNY 64.14
جاڭالىقتار

قازاقستاندا زاڭسىز بايىعان شەنەۋنىكتەر ءۇشىن ارنايى جاۋاپكەرشىلىك ەنگىزىلمەك

2 قىركۇيەك 18:45
:ءبولىسۋ
قازاقستاندا زاڭسىز بايىعان شەنەۋنىكتەر ءۇشىن ارنايى جاۋاپكەرشىلىك ەنگىزىلمەك

نۇر- سۇلتان. قازاقپارات - قازاقستاندا شەنەۋنىكتەردىڭ زاڭسىز بايىعانى ءۇشىن ازاماتتىق- قۇقىقتىق جاۋاپكەرشىلىك ەنگىزۋ ماسەلەسى قاراستىرىلىپ جاتىر.

بۇل تۋرالى ق ر سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى اليك شپەكبايەۆ Facebook پاراقشاسىندا جازدى، دەپ حابارلايدى قازاقپارات.

«پرەزيدەنتتىڭ 2021 - جىلدىڭ سوڭىنا دەيىن مەملەكەتتىك قىزمەتشىلەر مەن كۆازيمەملەكەتتىك سەكتور قىزمەتكەرلەرىنىڭ سانىن 25 پايىزعا قىسقارتۋدى جەدەلدەتۋ شەشىمىنىڭ ستراتەگيالىق ماڭىزدىلىعىن ەرەكشە اتاپ وتكەن ءجون. وسىلايشا، لاۋازىمدىق جالاقىلارىن ەكى ەسە ۇلعايتا وتىرىپ، ەڭبەكاقى تولەۋدىڭ فاكتورلىق- باللدىق جۇيەسىنە تولىققاندى كوشۋ مەملەكەتتىك قىزمەتتەگى سىبايلاس جەمقورلىقتىڭ الدىن- الۋ باعىتىنداعى تاعى ءبىر داۋسىز ارتىقشىلىق بولادى. قازىرگى تاڭدا ۇكىمەتپەن بىرلەسىپ، ە ى د ۇ، گ ر ە ك و، ب ۇ ۇ ۇسىنىمدارىنان تۋىندايتىن سىبايلاس جەمقورلىققا قارسى باستامالار پىسىقتالدى. ولاردىڭ نەگىزگىسى - شەنەۋنىكتەردىڭ زاڭسىز بايىعانى ءۇشىن ازاماتتىق- قۇقىقتىق جاۋاپكەرشىلىكتى ەنگىزۋ. 2021 -جىلدان باستاپ جالپىعا بىردەي دەكلاراتسيالاۋدىڭ ءبىرىنشى كەزەڭىن ىسكە قوسۋدى ەسكەرە وتىرىپ، ءبىز كەلەسى تەتىكتى ۇسىنامىز. باستاپقى كىرىس دەكلاراتسياسىندا مەملەكەتتىك قىزمەتشى ءوزىنىڭ بارلىق اكتيۆتەرىن تىركەيدى. ەگەر كەزەكتى دەكلاراتسيانى تاپسىرۋ كەزىندە ونىڭ نەگىزدەي المايتىن تابىسىنىڭ ەداۋىر ءوسۋى انىقتالسا، وعان مەملەكەتتىك قىزمەتتەن بوساتۋ جانە نەگىزسىز اسىپ كەتكەن سومانى تاركىلەۋ شاراسى قولدانىلادى»، - دەدى اليك شپەكبايەۆ.

سونىمەن قاتار ونىڭ اتاپ وتۋىنشە، دامىعان ەلدەردە قولدانىلاتىن كاسىبي ساتىلماۋشىلىققا تەكسەرۋ ينستيتۋتىن ەنگىزۋ ءبىرشاما الدىن الۋ اسەرىن بەرەتىن بولادى.

«سونداي- اق، كۇن تارتىبىندە مەملەكەتتىك قىزمەتشى ەمەس، ءبىراق جاريالىق مىندەتتەردى ورىندايتىن تۇلعالارعا سىبايلاس جەمقورلىققا قارسى زاڭنامانى قولدانۋ ماسەلەسى دە بار. ياعني، ءبىز پارا العانى ءۇشىن كوممەرتسيالىق بانكتەردىڭ توپ- مەنەدجەرلەرىن، تابيعي مونوپوليالار سۋبەكتىلەرىنىڭ باسشىلارىن، جەكە سوت ورىنداۋشىلارىن جانە جاريا قىزمەتشىلەردىڭ باسقا ساناتتارىن مەملەكەتتىك قىزمەتشىلەر سىندى قىلمىستىق جاۋاپكەرشىلىككە تارتۋدى ۇسىنامىز. بۇل تاجىريبە بۇكىل الەمدە كەڭ تارالعان. بۇگىنگى تاڭدا قوعامنىڭ سىبايلاس جەمقورلىقتى بارىنشا ازايتۋعا دەگەن تالپىنىسى بۇرىنعىدان دا زور. سوندىقتان جەمقورلىققا قارسى كەشەندى رەفورمالاردىڭ وزەكتىلىگىن اسىرا باعالاۋ مۇمكىن ەمەس. ەلباسى مەن مەملەكەت باسشىسىنىڭ تولىق قولداۋىنا يە بولا وتىرىپ، ءبىز الدىمىزعا قازاقستاندا سىبايلاس جەمقورلىققا قارسى ەڭ پارمەندى قۇرالداردى ەنگىزۋ ماقساتىن قويامىز. بۇل - ەكونوميكالىق ءوسۋ مەن ازاماتتاردىڭ ءال- اۋقاتىن ارتتىرۋدىڭ نەگىزگى شارتى»، - دەدى اليك شپەكبايەۆ.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات