اياگوزدە ات شاپتىرىپ، توي جاساعاندار جاۋاپكەرشىلىككە تارتىلاتىن بولدى
شىعىس قازاقستان وبلىسىنىڭ باس مەملەكەتتىك سانيتاريالىق دارىگەرىنىڭ 16- تامىزداعى قاۋلىسىنا سايكەس ۇلكەن توي-جيىندار وتكىزۋگە تىيىم سالىنعان. وسىنداي رەيدتىڭ بىرىندە تامىزدىڭ سوڭعى دەمالىس كۇندەرى اياگوز اۋداندىق پوليتسيا ءبولىمىنىڭ قىزمەتكەرلەرى قالاداعى مەيرامحانانىڭ بىرىندە توي جاساپ جاتقانداردىڭ ۇستىنەن ءتۇستى.
شاقىرىلعان قوناقتار تويحاناعا «ارتقى» ەسىكتەن كىرگىزىلىپ، كولىكتەر مەيرامحانانىڭ ارتى مەن كورشى اۋلاعا قويىلعان.
وسىعان ۇقساس جاعداي بەسقاراعاي اۋدانىندا دا تىركەلدى. وندا جەرگىلىكتى تۇرعىن بايگە ۇيىمداستىرعان.
«كارانتين رەجيمىن بۇزۋشىلاردى اكىمشىلىك جاۋاپكەرشىلىككە تارتۋ ءۇشىن بارلىق فاكتىلەر مەن ماتەريالدار تاۋارلار مەن قىزمەتتەردىڭ ساپاسىن باقىلاۋ جانە قاۋىپسىزدىگىن باقىلاۋ دەپارتامەنتىنە جىبەرىلدى»، - دەيدى ش ق و پوليتسيا دەپارتامەنتىنىڭ باستىعى ساعات ماديەۆ.