مەكتەپتەر جاڭا وقۋ جىلىنا قانشالىقتى دايىن - ءبىلىم ءمينيسترىنىڭ جاۋابى

None
None
نۇر-سۇلتان. قازاقپارات - ق ر ءبىلىم جانە عىلىم ءمينيسترى اسحات ايماعامبەتوۆ مەكتەپتەردىڭ ارالاس وقىتۋ فورماسىنا دايىندىعىن باياندادى، دەپ حابارلايدى قازاقپارات.

«مەرەكە الدىندا 434 مىڭ كومپيۋتەر بولعان ەدى، قازىر ولار تاراتىلدى. ەرتەڭگە دەيىن (كەشە، بۇگىن تاعى دا قوسىمشا كومپيۋتەرلەر كەلدى) بالالارعا 500 مىڭ كومپيۋتەر تاراتۋ مىندەتى تۇر. بۇل - وتە ۇلكەن جۇمىس»، - دەدى ا. ايماعامبەتوۆ ەلوردادا 73№ مەكتەپ-ليتسەيىندەگى كەزدەسۋدە.

«سونىمەن بىرگە، بيىل 11- سىنىپ وقۋشىلارىنا جاڭا وقۋلىقتار بەرىلەدى. جالپى، وقۋلىقتار بويىنشا ءبىزدىڭ ارىپتەستەرىمىز، ءبىلىم باسقارمالارى، پەداگوگتار، مەكتەپ ديرەكتورلارى ۇلكەن جۇمىس اتقاردى. ەڭبەك دەمالىسىنا قاراماستان مۇعالىمدەر جۇمىس ىستەدى، دايىندالدى»، - دەپ اتاپ ءوتتى مينيستر.

ونىڭ ايتۋىنشا، مەكتەپتەر جاڭا وقۋ جىلىنا دايىن.

«ءبىز كەيبىر ەسەپتىك دەرەكتەرگە، قاعازداعى دايىن اقپاراتقا قاراپ وتىرعان جوقپىز. ءوزىمىز شىعىپ، مەكتەپتەرگە بارامىز. بىزدە ساپانى قامتاماسىز ەتۋ جونىندەگى دەپارتامەنتتەر بار، ولار دا بارىپ تەكسەرەدى. ساياسي پارتيالارىمىز بەن قوعامدىق بىرلەستىكتەرىمىز بەلسەندى قاتىسۋدا. جالپى مونيتورينگ ءجۇرىپ جاتىر جانە مەكتەپتەردى ءتيىستى جاعدايمەن قامتۋ بويىنشا ۇلكەن جۇمىس جۇرگىزىلدى. وسى مەكتەپتەن كەيىن مەن تاعى بىرنەشە مەكتەپكە بارامىن. ءبىزدىڭ مىندەتىمىز - دايىن نارسەلەردى كورۋ عانا ەمەس، ارىپتەستەرىمىزبەن سويلەسىپ، قانداي قيىندىقتار بار ەكەنىن، قانداي كومەك كەرەكتىگىن ءبىلۋ»، - دەدى ۆەدومستۆو باسشىسى.


سوڭعى جاڭالىقتار