ماگيسترانتتار مەن دوكتورانتتاردىڭ وقۋى قاشان باستالادى؟
ماگيستراتۋرا
ماگيسترانتتاردى 14- قىركۇيەكتە قاشىقتان وقىتۋ باستالادى. 31- تامىزدا كەشەندى تەستىلەۋ اياقتالادى؛ 5- قىركۇيەككە دەيىن گرانتقا وتىنىشتەر قابىلدانادى؛ 7- قىركۇيەكتە گرانتتار تاعايىنداۋ بويىنشا كونكۋرس ناتيجەلەرىن جاريالاۋ جوسپارلانعان؛ 8- قىركۇيەكتەن باستاپ اكىمدىكتەر گرانتتارىن تاعايىنداۋ بويىنشا كونكۋرسقا قۇجات قابىلداۋ باستالادى؛ 11- قىركۇيەكتە ج و و- عا قابىلداۋ ءۇشىن ءوتىنىش بەرۋ اياقتالادى.
2- كۋرس ماگيسترانتتارى ءۇشىن زەرتتەۋ جۇمىسى قاشىقتان ۇيىمداستىرىلادى. بۇل رەتتە قاجەت بولعان جاعدايدا ماگيسترانتتاردىڭ وتىنىشىمەن عىلىمي- زەرتتەۋ جۇمىسىن زەرتحانالاردا جۇرگىزۋگە بولادى. زەرتحانالىق جانە پراكتيكالىق ساباقتار جەكە كەستە بويىنشا الەۋمەتتىك قاشىقتىق پەن كۇشەيتىلگەن سانيتارلىق شارالاردى ساقتاي وتىرىپ جۇرگىزىلەدى. بۇل كەستەنى ناقتىلاۋ ءۇشىن ماگيسترانتتار ءوز ج و و- لارىنا جۇگىنۋى قاجەت.
دوكتورانتۋرا
دوكتورانتتاردى قاشىقتان وقىتۋ 1 قىركۇيەكتە باستايدى. 1- كۋرس دوكتورانتتارى ءۇشىن وقىتۋ قاشىقتان جۇرگىزىلەدى. ال 2-3 كۋرس دوكتورانتتارى ءۇشىن زەرتتەۋ جۇمىسى قاشىقتان ۇيىمداستىرىلادى.
بۇل رەتتە، قاجەت بولعان جاعدايدا عىلىمي-زەرتتەۋ جۇمىسى دوكتورانتتاردىڭ وتىنىشىمەن زەرتحانالاردا ۇيىمداستىرىلادى. زەرتحانالىق جانە پراكتيكالىق ساباقتار جەكە كەستە بويىنشا الەۋمەتتىك قاشىقتىق پەن كۇشەيتىلگەن سانيتارلىق شارالاردى ساقتاي وتىرىپ جۇرگىزىلەدى. وسى كەستەنى ناقتىلاۋ ءۇشىن دوكتورانتتار ءوز ج و و- لارىنا جۇگىنۋى قاجەت.
ينتەرناتۋرا مەن رەزيدەنتۋرا ينتەرناتۋرا مەن رەزيدەنتۋراداعى وقۋ كۇندىزگى جانە قاشىقتان وقىتۋ فورماتىندا جۇرگىزىلەدى.