تاعى ءبىر ەلدە ديماشتىڭ شىعارماشىلىعىنا ارنالعان راديو ىسكە قوسىلدى
راديو تولقىنىندا اپتانىڭ 7 كۇنىندە ديماش قۇدايبەرگەننىڭ اندەرى شىرقالادى، دەپ حابارلايدى قازاقپارات dimashnews.com سايتىنا سىلتەمە جاساپ.
«راديوستانتسيا ديماشتىڭ شىعارماشىلىعىن، قازاقستاننىڭ مادەنيەتىن ناسيحاتتاۋ ماقساتىندا اشىلعان. ينتەرنەت راديونى چيلي حالقى عانا ەمەس، بارلىق لاتىن امەريكا تىڭداي الادى. راديونىڭ نەگىزىن قالاۋشى، ءارى ديرەكتورى - كارلوس پاچەكو. جۇمىستى جولعا قويىپ، جوسپاردى جۇزەگە اسىرۋعا ماريا ينەس سانچەس پەن ۆيۆيانا سۋنيگا دا ۇلەس قوستى»، - دەلىنگەن اقپاراتتا.
ءار جۇما سايىن، چيليدىڭ جەرگىلىكتى ۋاقىتىمەن 22.00-دە «DEARMASH FM» راديوسىندا ديماش قۇدايبەرگەننىڭ ورىنداۋىنداعى اندەرمەن بىرگە، ارنايى باعدارلاما ۇسىنىلادى.
وندا قازاقستاندىق ءانشىنىڭ شىعارماشىلىق جولى، قازاقستان تۋرالى مالىمەتتەر بەرىلەدى. 1- جانە 2-باعدارلامالار: «The singer» 3-باعدارلاما: «ديماش جانە يگور كرۋتوي» 4- جانە 5-باعدارلامالار: «قازاقستان».
بۇل راديوباعدارلامالاردى تۇراقتى تۇردە ترانسلياتسيالاۋعا ديماشتىڭ وڭتۇستىك امەريكاداعى جانكۇيەرلەرى قۇرعان «DQ Alianza Sudamericana Official» توبى قولداۋ تانىتىپ وتىر. «DEARMASH FM» راديوسى:
سايت: www.zeno.fm/dearmash IG: dearmashfm Facebook: RadioDearmashChile
پوچتا: [email protected] بۇعان دەيىن ديماش قۇدايبەرگەننىڭ پولشاداعى جانكۇيەرلەرى «ديماش» راديوسىن اشقانىن جازعان بولاتىنبىز.