كولساي مەن قايىڭدى كولدەرى دەمالىس كۇندەرى جابىلا ما؟
«29-31- تامىز ارالىعىندا الماتى وبلىسى كەگەن اۋدانىنىڭ «كولساي كولدەرى م ۇ ت پ» ر م م اۋماعىندا قاتاڭ شەكتەۋ شارالارى ەنگىزىلەتىن بولادى. دەمالىس ايماعىنا كەلگەن قوناقتاردىڭ كوپ شوعىرلانباۋى ماقساتىندا اۋدان اكىمدىگىنىڭ جانىنداعى مونيتورينگ توبى جانە ەرىكتىلەر بىرلەسىپ، كەلۋشىلەردە بەتپەردەلەرىنىڭ بولۋىن، سونداي-اق الەۋمەتتىك قاشىقتىڭ ساقتالۋىن قاداعالايتىن بولادى. سونىمەن قاتار، تۋريستە بەتپەردە بولماعان جاعدايدا، ەرىكتىلەر ولاردى تەگىن تاراتۋدى جوسپارلاپ وتىر»، - دەلىنگەن كەگەن اۋداندىق تاۋارلارمەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنىڭ رەسمي حابارلاماسىندا.
ەستەرىڭىزگە سالا كەتەيىك، بۇعان دەيىن وسى اۋداننىڭ باس سانيتاريالىق دارىگەرىنىڭ اتالعان دەمالىس ورىندارىنىڭ ءدال دەمالىس كۇندەرى جۇمىسىن توقتاتۋ جونىندە شىعارعان قاۋلىسىن جاريالاعان بولاتىنبىز. نە سەبەپتى قاۋلىنى قايتا وزگەرتكەنى بەلگىسىز.