الماتىدا رۋلى وڭنان سول جاققا اۋىستىرىلعان ارمەنيالىق العاشقى كولىك تىركەلدى

الماتى. قازاقپارات - الماتىدا قاراعاندى قالاسىنىڭ تۇرعىنى ارمەنيادان اكەلىنگەن كولىگىن تىركەدى، ونىڭ رۋلى وڭنان سولعا اۋىستىرىلعان، دەپ حابارلايدى قازاقپارات ءتىلشىسى Polisia.kz سىلتەمە جاساپ.

«قاراعاندى قالاسىنىڭ تۇرعىنى مامانداندىرىلعان حالىققا قىزمەت كورسەتۋ ورتالىعىنا «جولدا قابىلداۋ» اكسياسى كەزىندە كەلىپ، بۇرىن ءرۋلى وڭ جاقتا بولعان مينيۆەنىن تىركەۋ شارتتارىمەن تانىستى. وعان ۇسىنىستار ايتىلدى، ناتيجەسىندە ەر ادام سىناق زەرتحاناسىنا جۇگىندى. سايكەستىككە ساراپتاما جۇرگىزىلگەننەن كەيىن اۆتوكولىك يەسىنە سىناق حاتتاماسى تولتىرىلىپ، وسى قۇجات نەگىزىندە قاراعاندىلىقتىڭ اۆتوكولىگى رەسمي تۇردە تىركەلدى. سونداي-اق، سارى ءتۇستى مەملەكەتتىك تىركەۋ ءنومىرى مەن تەحنيكالىق پاسپورت بەرىلدى. ايتپاقشى، بۇل رەسمي تىركەۋدەن وتكەن، قايتا جابدىقتالعان رۋلدىك جۇيەسى بار العاشقى كولىك قۇرالى»، - دەدى الماتى قالالىق پوليتسيا دەپارتامەنتى اكىمشىلىك پوليتسيا باسقارماسى باستىعىنىڭ ورىنباسارى نۇرلان امانبەك.