ديماشتىڭ كونسەرتى العاش رەت كۋبا تەلەارناسىنان كورسەتىلدى
كۋبالىقتار الەمگە تانىمال قازاق ءانشىسىنىڭ ونەرىن «Canal Clave « تەلەارناسىنان تاماشالادى. ءبىر ساعاتتىق باعدارلاما بارىسىندا ديماشتىڭ 2019-جىلدىڭ ناۋرىزىندا رەسەيدىڭ ماسكەۋ قالاسىندا انشلاگپەن وتكەن «D- Dynasty» اتتى جەكە كونسەرتىنىڭ جازباسى كورسەتىلدى. كۋبالىق «Canal Clave « تەلەارناسى ەفيرگە 2013-جىلى شىعا باستادى.
تەلەارنا مۋزىكالىق باعىتتى ۇستانعان. كۋبالىق جانە الەمدىك دەڭگەيدەگى انشىلەردىڭ بەينەباياندارىن، اندەرىن، كونسەرتتەرىن جانە ونەر ادامدارى تۋرالى دەرەكتى فيلمدەردى ترانسلياتسيالايدى. تاۋلىگىنە 15 ساعات ەفيرگە شىعاتىن تەلەارنانىڭ قازىر ءتۇرلى 22 باعدارلاماسى بار. ديماشتىڭ كۋبالىق جانكۇيەرلەرى «Canal Clave « تەلەارناسىنىڭ رەسمي پاراقشالارىنا بىرنەشە اي بويى حات جولداپ، ونىڭ ونەرىن ەكراننان كورسەتۋدى سۇراعان.
ناتيجەسىندە ءوتىنىش ورىندالىپ، كۋبالىق تەلەارنادان قازاقستاندىق تالانتتىڭ كونسەرتى بەرىلدى.
«Dimash Cuba Dears» 2019-جىلدىڭ قاراشا ايىندا قۇرىلعان. سودان بەرى كۋبالىق فاناتتار د. قۇدايبەرگەننىڭ شىعارمالارىن ناسيحاتتاۋدى قولعا العان.
اسىرەسە بۇقارالىق اقپارات قۇرالدارى ارقىلى ءوز ەلدەرىندە ناسيحاتتاپ كەلەدى.
بۇل - ديماشتىڭ كۋبالىق Dears-تارىنىڭ ەڭبەگى. ولاردىڭ ۇسىنىسىمەن 23 - تامىزدا «Radio Progreso» تانىمال راديوستانتسياسى التىن داۋىس يەسىنىڭ كونسەرتىن ەفيرگە شىعارىپ، ەڭ ۇزدىك باعدارلامالار رەيتينگى بويىنشا ەكىنشى ورىندى يەلەندى.