رەسەي اسكەرى بالقاش تورابىنان كەتەدى
وسىعان وراي ق ر قورعانىس مينيسترلىگىنىڭ كەلىسىمدى جۇزەگە اسىرۋ ماسەلەلەرىن قاراستىرۋ جونىندەگى ۋاكىلى، پولكوۆنيك رۋسلان امىرگەرەيەۆ تۇسىنىك بەردى، دەپ حابارلايدى قازاقپارات ءتىلشىسى.
«2019 -جىلى قازاقستاننىڭ سىرتقى ىستەر مينيسترلىگى رەسەي تاراپىنىڭ بالقاش تورابىن پايدالانۋ جونىندەگى كەلىسىمدى دەنونساتسيالاۋ جوسپارى تۋرالى رەسمي اقپارات الدى. وسى جىلدىڭ شىلدەسىندە عارىشتىق اسكەردىڭ باس قولباسشىسى، گەنەرال- پولكوۆنيك الەكساندر گولوۆكو ر ف فەدەراتسياسى كەڭەسىنە ۇسىنىس جاساپ، وندا قازاقستان اۋماعىنداعى ەسكىرگەن «دنەپر» راديولوكاتسيالىق ستانساسىن كۇتىپ ۇستاۋدىڭ ماقساتقا ساي ەمەستىگىن نەگىزدەپ بەردى. قازىرگى ۋاقىتتا رەسەيلىك ارميانىڭ قارۋ- جاراعىنا جاڭا «ۆورونەج» راديولوكاتسيالىق ستانساسى ءتۇسىپ جاتىر. بۇل ستانسا قازىردىڭ وزىندە بارناۋىل مەن ورسك اۋداندارىندا ورنالاستىرىلعان. ءوزىنىڭ تاكتيكالىق- تەحنيكالىق سيپاتتاماسى بويىنشا ولار بالقاش تورابىندا ورناتىلعان «دنەپردەن» باسىم تۇسەدى. وسىلايشا، مەملەكەتتىك دۋما كەلىسىمدى دەنونساكتسيالاۋ تۋرالى زاڭدى قابىلداپ، ر ف فەدەرالدىق جينالىسىنىڭ فەدەرالدىق كەڭەسى ماقۇلدادى. ال وسى جىلدىڭ 31 -ماۋسىمىندا رەسەي پرەزيدەنتى ۆلاديمير پۋتين قول قويدى»، - دەيدى ول.
پولكوۆنيكتىڭ اتاپ وتۋىنشە، كەلىسىم قولدانىسى 2020 -جىلدىڭ جەلتوقسانىندا توقتايدى. بۇل رەتتە بالقاش تورابىنىڭ جەر ۋچاسكەسى مەن مۇلكىن بەرۋ- قابىلداۋ بىرلەسكەن كوميسسيا ارقىلى جۇزەگە اسىرىلادى. بالقاش تورابى 1964 -جىلى سالىنىپ، 1973 -جىلى پايدالانۋعا بەرىلگەن. ول ءوزىنىڭ قولدانىس اۋماعىندا اۋە جانە عارىش كەڭىستىگىنە ۇزدىكسىز بارلاۋ جۇرگىزۋگە ارنالعان. بۇل بۇرىنعى كەڭەس وداعى كۇيرەگەننەن كەيىن قازاقستان اۋماعىندا قالعان نىسانداردىڭ ءبىرى سانالادى. توراپتى رەسەي تارابى قايتارىمسىز نەگىزدە پايدالاندى.
«ستانسا زاماناۋي تالاپتارعا ساي كەلمەيتىندىكتەن قازاقستاننىڭ قورعانىس مينيسترلىگى بالقاش تورابى اۋماعىنان رەسەيلىك اسكەري ءبولىم شىعارىلعاننان كەيىن «دنەپر» ستانساسىن جويۋ تۋرالى شەشىم قابىلدادى. بۇعان قوسا، كەلىسىمنىڭ 6-بابى 1-تارماعىنا سايكەس، ر ف ۇكىمەتى قازاقستان رەسپۋبليكاسىنىڭ مەملەكەتتىك جانە اسكەري باسقارۋىنداعى پۋنكتتەردە رەسەيلىك جۇيەدەن زىمىران شابۋىلى تۋرالى ەسكەرتۋ اقپاراتىن كورسەتەتىن «كروكۋس» اپپاراتىن ورناتۋ مىندەتتەمەسىن الىپ وتىر»، - دەيدى رۋسلان امىرگەرەيەۆ.