ءوز جالاقىسىن بىلگەن تازالىقشى ايەل باستىعىن سوتقا بەردى
الماتى قالاسى تۇركسىب اۋداندىق سوتىنىڭ مالىمەتى بويىنشا، ايەل ءوزىنىڭ تالاپ ارىزىندا 2013-جىلدىڭ قاڭتارىنان باستاپ «ف» ج ش س- دە تازالاۋشى بولىپ جۇمىس ىستەگەنىن ايتتى.
2019-جىلدىڭ تامىزىندا ول جاقىندا جۇمىسقا قابىلدانعان ەسەپشىدەن ونىڭ قولىنا بەرىلەتىن جالاقى بەرىلىپ كەلگەن جالاقىعا سايكەس كەلمەيتىنىن بىلەدى. اي سايىن ول قولىنا 50 مىڭ تەڭگە الدى، ال تىزىمدەمەدە 93 مىڭ تەڭگە سوماسى كورسەتىلگەن. ول جاۋاپكەردەن جۇمىسى مەن جالاقىسىنا قاتىستى اقپارات پەن قۇجاتتار بەرۋ تۋرالى وتىنىشىنە جاۋاپ الا الماعان، ونى جۇمىستان بوساتۋ تۋرالى وتىنىشكە قول دا قويماعان، سونىمەن قاتار ونىڭ ەڭبەك كىتاپشاسىن بەرۋدەن باس تارتىپتى.
سوت تالقىلاۋى بارىسىندا تاراپتاردان مەدياتسيالىق كەلىسىم جاساسۋ تۋرالى جازباشا ءوتىنىش كەلىپ ءتۇستى، ونىڭ شارتتارى بويىنشا تالاپكەر جاۋاپكەرگە قويىلاتىن تالاپ-ارىزداردان تولىق كولەمدە، بۇدان ءارى ەشقانداي تالاپتارى بولماي، ال جاۋاپكەر تالاپ قويۋشىعا بانك شوتىنا اۋدارا وتىرىپ، 400 مىڭ تەڭگە مولشەرىندەگى سومانى تولەيدى، سونداي-اق تالاپكەردىڭ ەڭبەك كىتاپشاسىن سوت ۇيعارىمى زاڭدى كۇشىنە ەنگەن كۇننەن باستاپ ءۇش جۇمىس كۇنى ىشىندە قايتارادى.
سوت كەلىسىمدى مەدياتسيا تارتىبىمەن بەكىتتى. سوت شەشىمى زاڭدى كۇشىنە ەندى.