سەمەيدە اباي مەن بالالارىنا ەسكەرتكىش ورناتىلادى
ساپار بارىسىندا ول اباي اتىنداعى مۋزەيگە جانە الاڭعا ارنايى اتباسىن بۇرىپ، ۇلى ويشىلدىڭ 175 -جىلدىعىنا دايىندىق جۇمىستارىمەن تانىستى، دەپ حابارلايدى قازاقپارات سەناتتىڭ باسپا ءسوز قىزمەتىنە سىلتەمە جاساپ.
قالا اكىمى سەناتورعا تاياۋدا عانا اباي الاڭىن اباتتاندىرۋ جۇمىستارى اياقتالعانىن ايتتى. سونىڭ ناتيجەسىندە بۇل جەردە ويىن جانە سپورت الاڭدارى اشىلىپ، جاس تالدار وتىرعىزىلعان. سونداي- اق، اقىن ەسكەرتكىشىن جارىقتاندىرىپ تۇراتىن ارنايى قوندىرعىلار ورناتىلعان. قالادا اباي اتىنداعى تەاترعا دا جوندەۋ جۇمىستارى جۇرگىزىلىپ جاتىر. تەاتر كوركەمدىك جەتەكشىسىنىڭ ايتۋىنشا، عيماراتتىڭ تاريحي كەلبەتى تولىق ساقتالادى. مەرەيتوي اياسىندا اقىن مۋزەيىندە اباي مەن بالالارىنا ارنالعان ەلىمىز بويىنشا العاشقى ەسكەرتىش ورناتىلادى دەپ جوسپارلانىپ وتىر. سونىمەن قاتار دۇيسەنعازى مۋسين اباي قۇنانباي ۇلىنىڭ 175 جىلدىعىنا وراي وڭىرلەردىڭ سەمەي قالاسىن كوركەيتۋ تۋرالى ۇكىمەت تاپسىرماسىن قالاي ورىنداپ جاتقانىنا نازار اۋداردى. وسىعان وراي سەناتور وبلىس اكىمدىكتەرى بۇل ماسەلەگە باسا ءمان بەرىپ، اتالعان تاپسىرمانىڭ ورىندالۋىن باقىلاۋعا الۋ كەرەكتىگىن اتاپ ءوتتى.