رۋمىنيا جەرىندە اباي اۋەندەرى اۋەلەدى
قازاقستاننىڭ رۋمىنياداعى مادەني كۇندەرى اياسىندا وتكەن كونتسەرت بارىسىندا رۋمىن جۇرتشىلىعى قازاق اۋەنىن سۇيسىنە تىڭداپ، سىيلىق رەتىندە ابايدىڭ رۋمىن تىلىنە اۋدارىلعان قارا سوزدەرى كىتابىن الدى.
ايتا كەتەيىك، تامىزدىڭ 21-23-كۇندەرى رۋمىنيانىڭ كلۋج- ناپوكا قالاسىندا مادەني شارا اياسىندا وسى ەلدە تۇرىپ جاتقان قازاقتىڭ تانىمال جاس سۋرەتشىسى الۋا تەبەنوۆانىڭ كورمەسى اشىلدى.
مۇنان بولەك، رۋمىن جۇرتشىلىعى قازاق حالقىنىڭ باستان كەشىرگەن تاريحي وقيعالارى جايىندا سىر شەرتەتىن «قازاق حاندىعى. التىق تاق»، «شىڭىراۋ» جانە «قۇنانباي» فيلمدەرىن تاماشالادى. رۋمىنيا كامەرالىق وركەسترى كلاسسيكالىق مۋزىكانى الەمدىك دەڭگەيدە ىلگەرىلەتىن جۇرگەن ونەر ۇجىمى سانالادى. انسامبل ساپىندا الەمگە تانىمال وركەسترلەردىڭ قۇرامىندا ونەر كورسەتەتىن 21 رۋمىن مۋزىكانتى بار. وركەستر سەناريى الەكساندرۋ تومەسكۋ مەن لاديسلاۆ كريستيان اندرەيدىڭ باستاماسىمەن قۇرىلعان.