جەدەل شتاب شەتەلدەگى قازاقستاندىق ستۋدەنتتەر ءۇشىن اقپاراتتىق كەستە ازىرلەدى
«جەدەل شتاب قىزمەتكەرلەرى كەلىپ تۇسكەن وتىنىشتەردى بارىنشا جەدەل قاراستىرىپ، ولاردى ودان ءارى وڭدەۋ ءۇشىن اقپارات پەن سۇراۋ سالۋلاردى جينادى، سودان كەيىن ءوتىنىش بەرۋشىلەرگە جاۋابىن بەردى. ءبىزدىڭ شەتەلدەگى ديپلوماتتارىمىز كەلىپ تۇسكەن اقپارات نەگىزىندە وزدەرى ورنالاسقان ەلدەردە ءاربىر ۋنيۆەرسيتەت جانە جەرگىلىكتى ءبىلىم مينيسترلىكتەرىمەن بايلانىس ورناتتى. ءبىز شەتەلدىك وقۋ ورىندارىمەن ۇسىنىلعان وقۋ فورماتىن، ەلگە كىرۋ- شىعۋ ەرەجەلەرىن جانە شەتەلدىك ستۋدەنتتەردى وقىتۋعا قاتىستى باسقا دا ماسەلەلەردى انىقتاۋدامىز» دەلىنگەن سىرتقى ساياسات ۆەدومستۆوسىنىڭ باسپا ءسوز قىزمەتى تاراتقان حابارلامادا.
وسىعان بايلانىستى شتاب شەتەلدەگى ءبىزدىڭ ستۋدەنتتەر ءۇشىن شەتەلدىك وقۋ ورىندارىنىڭ تالاپتارى بويىنشا ارنايى اقپاراتتىق كەستە ازىرلەدى. ونلاين رەجيمىندە جاڭارتىلاتىن وسى كەستەمەن مىنا سىلتەمە ارقىلى تانىسۋعا بولادى. مالىمەتكە ساي، ءوزارا ءتيىمدى ىقپالداسۋ ءۇشىن ءبىز كەلەسى ءىس- قيمىل الگوريتمىن بەلگىلەدىك: ءوتىنىش بەرۋ - اقپارات جيناۋ - شەتەلدىك وقۋ ورىندارىمەن/بىلىم مينيسترلىكتەرىمەن بايلانىس ورناتۋ - شەت مەملەكەتتەردىڭ ەلشىلىكتەرىمەن حابارلاسۋ - ءوتىنىش يەسىنە جاۋاپ بەرۋ. قوسىمشا سۇراقتار تۋىنداعان جاعدايدا ستۋدەنتتەر مەن ولاردىڭ اتا- انالارىنان ق ر س ءى م شتابىنا كەلەسى جەدەل جەلىلەر ارقىلى حابارلاسۋىن سۇرايمىز:
77172720046, 720047, 720549, ەلەكتروندىق پوشتا - [email protected]. سونداي- اق، قازاقستاندىق ستۋدەنتتەر ءوز سۇراقتارىن قاراۋ ءۇشىن تومەندەگى سىلتەمە بويىنشا ونلاين ءوتىنىم بەرە الادى: - https://rb.gy/etjeox.
ايتا كەتەيىك، بۇعان دەيىن ق ر ءسىم شەتەلدەگى قازاقستاندىق ستۋدەنتتەرگە كومەكتەسۋ ءۇشىن جەدەل شتاب قۇرعانىن حابارلاعان ەدىك.