شەتتەگى قانداستارعا ارنالعان «ۇلى دالا ەلىنەن» ونلاين كونتسەرتى وتەدى

نۇر- سۇلتان. قازاقپارات - دۇنيەجۇزى قازاقتارىنىڭ قاۋىمداستىعى، «وتانداستار قورى» كەاق جانە «قازاقكونتسەرت» ۇيىمى بىرلەسىپ، «ۇلى دالا ەلىنەن» اتتى قازاقستاندىق قازاقستاندىق ارتىستەردىڭ كونتسەرتىن ۇيىمداستىرادى، دەپ حابارلايدى قازاقپارات ءتىلشىسى.

ق ر اقپارات جانە قوعامدىق دامۋ مينيسترلىگىنىڭ تاپسىرماسىمەن جۇزەگە اسىرىلاتىن كونتسەرتتىڭ ماقساتى - مۋزىكالىق ونەر ارقىلى ۇلتتىق بىرەگەيلىكتى ساقتاۋ، قازاق دياسپوراسىنا رۋحاني قولداۋ كورسەتۋ، شەتەلدەگى قانداستارمەن بايلانىستى نىعايتۋ.

«وسى يگى جوبا اياسىندا 22 - تامىز كۇنى ساعات 21.00 دە (نۇر- سۇلتان ۋاقىتى بويىنشا) الەمگە ايگىلى «TURAN» ەتنوفولكلورلىق ءانسامبلىنىڭ ونلاين كونتسەرتى وتەدى. انسامبل قازاق حالقىنىڭ ۇلتتىق مۋزىكالىق مۇراسىن جاڭعىرتىپ، ۇمىت بولا باستاعان ءتول اسپاپتاردىڭ سۇيەمەلدەۋىمەن وزدەرىنىڭ ۇزدىك تۋىندىلارىن ورىندايدى»، - دەلىنگەن «قازاقكونتسەرت» ۇيىمىنىڭ باسپا ءسوز قىزمەتى تاراتقان اقپاراتتا.

«TURAN» ءانسامبلى ۇلتتىق مۋزىكالىق اسپاپتاردىڭ دىبىسىن قازىرگى زامانعا ساي لايىقتاپ، جاڭا فورماتتا ۇسىنىپ ءجۇر. ون جىلدىق تاريحى بار ونەر ۇجىمى قازاق مۋزىكاسىن الەمگە ايگىلەپ، 70 تەن استام شەت مەملەكەتتە 600 دەن استام جەكە كونتسەرت بەرگەن. ءانسامبلدىڭ قۇرامىندا سەرىك نۇرمولدايەۆ، ماقسات مەدەۋبەك، باۋىرجان بەكمۇحانبەتوۆ، ەرجىگىت اليەۆ، جانتۋ دادابايەۆ سىندى تالانتتى مۋلتي ينسترۋمەنتاليست مۋزىكانتتار بار. قازاق حالقىنىڭ وتىزدان استام ۇلتتىق مۋزىكالىق اسپابى بولسا، مۋزىكانتتاردىڭ ءارقايسىسى سولاردىڭ بىرنەشەۋىندە ويناۋدى مەڭگەرگەن. ونلاين كونتسەرت «وتانداستار قورى» ك ە ا ق Otandastar channel YouTube ارناسىنىڭ تىكەلەي ەفيرىندە كورسەتىلىپ، بارشاعا قولجەتىمدى بولادى.