سولتۇستىك قازاقستانعا كوشىپ كەلگەندەردىڭ باسىم بولىگى - موڭعوليا مەن قىتايدان
س ق و ستاتيستيكا دەپارتامەنتىنىڭ مالىمەتىنشە، وڭىرگە جىل باسىنان 2398 ادام كوشىپ كەلگەن. الايدا 4131 ادام قونىس اۋدارعان. بۇل - 2019 -جىلعى قاڭتار- ماۋسىمعا قاراعاندا % 33,1 از. ميگراتسيالىق كەمۋ 1733 ادامدى قۇرادى.
«وبلىس اۋماعىنان كوشىپ كەتكەندەردىڭ % 94,4- ى ت م د ەلدەرىنە قونىس اۋدارسا، سونداي- اق وڭىرگە تۇرۋعا كەلگەندەردىڭ % 87,1- ى ت م د ەلدەرىنىڭ ازاماتتارى. س ق و- دان شىققان ەميگرانتتاردىڭ نەگىزگى بولىگىن - % 98,9 رەسەي قابىلدايدى. وبلىسقا ت م د ەلدەرىنەن كەلگەندەردىڭ اراسىندا دا رەسەي كوش باستاپ تۇر، ونىڭ ۇلەسى % 89,2»، - دەيدى س ق و ستاتيستيكا دەپارتامەنتىنىڭ باس مامانى ولگا بۋبەنكو.
الەمنىڭ باسقا ەلدەرىنە وبلىستىڭ 56 تۇرعىنى قونىس اۋداردى، ال 44 ادام وڭىرگە تۇراقتى تۇرۋعا كەلدى. شەتەلگە كەتەتىندەر نەگىزىنەن پولشا جانە گەرمانيانى تاڭدايدى. ولارعا باسقا ەلدەرگە كەتكەندەردىڭ % 94,6- ى قونىس اۋداردى. كوشىپ كەلگەندەر اراسىندا مونعوليا جانە قىتاي تۇرعىندارى باسىم، ولاردىڭ ۇلەسى - % 65,9.
ايماق ارالىق ميگراتسيا كەمىگەن. ەلىمىزدىڭ باسقا وبلىستارىنان 2058 ادام كوشىپ كەلسە، 3134 ادام قونىس اۋداردى. س ق و- عا مەكەنجايىن وزگەرتكەندەردىڭ باسىم بولىگى اقمولا وبلىسىنىڭ جانە نۇر- سۇلتان قالاسىنىڭ تۇرعىندارى. ءوڭىر تۇرعىندارى دا نەگىزىنەن وسى كورشى ايماقتارعا قونىس اۋدارادى ەكەن.