قوسشىدا ءورت ءسوندىرۋ بەكەتى اشىلدى

كوكشەتاۋ. قازاقپارات - سەلينوگراد اۋدانىنىڭ قوسشى كەنتىندە ءورت ءسوندىرۋ بەكەتى اشىلدى، دەپ حابارلايدى قازاقپارات ءتىلشىسى وبلىستىق اقمولا وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتىنە سىلتەمە جاساپ.

ۆەدومستۆونىڭ مالىمەتىنشە، ءورت ءسوندىرۋ بەكەتى قوسشى سەلولىق وكرۋگىنە قاراستى ەكى اۋىلدىڭ جانە دالالى ورمان ماسسيۆتەرىنىڭ ورتكە قارسى قورعانىسىن قامتاماسىز ەتەدى.

«ءورت ءسوندىرۋ بەكەتى ورتالىق قازاندىق اۋماعىندا ورنالاسقان، جىلىتىلاتىن كولىك تۇراعى بار. التى قىزمەتكەر جانە ءبىر ءورت ءسوندىرۋ اۆتوكولىگى بار. جاڭادان قۇرىلعان كوماندا تەك ءورتتى ءسوندىرىپ قانا قويماي، سونىمەن قاتار، اۋماقتاعى وزگە دە توتەنشە جاعدايلاردى جويۋعا قاتىسادى، قيىن جاعدايعا تاپ بولعان ادامدارعا، حالىققا كومەك كورسەتەدى»، - دەپ تولىقتىردى ۆەدومستۆودان.