اقمولا وبلىسىندا بالىق وسىرەتىن كەشەن سالىنادى

كوكشەتاۋ. قازاقپارات - اقمولا وبلىسىندا باقتاق (فورەل) بالىعىن وسىرەتىن كەشەن سالىنادى.

بالىق شارۋاشىلىعى اقمولا وبلىسىنىڭ اگروونەركاسىپ كەشەنى قۇرىلىمىندا بازالىق سالا بولۋى ءتيىس، دەپ حابارلايدى قازاقپارات ءتىلشىسى وبلىستىق ىشكى ساياسات باسقارماسىنا سىلتەمە جاساپ.

اۋىل شارۋاشىلىعى باسقارماسىنىڭ مالىمەتىنشە، وڭىردە جىلدىق قۋاتى 500 توننا باقتاق بالىعىن وسىرەتىن جابىق تيپتەگى كەشەن سالىنىپ جاتىر. جوبا امەريكاندىق «AGSO Corporation» كومپانياسىن تارتۋ ارقىلى جۇزەگە اسىرىلۋدا.

بالىق شارۋاشىلىعى ءۇشىن قورعالجىن اۋدانى اۋماعىندا 100 گەكتار جەر تەلىمى بولىنگەن. قازىرگى كەزدە، اتالعان اۋماقتا توپوگرافيالىق ءتۇسىرىلىم جانە گەولوگيالىق جۇمىس جۇرگىزىلدى.

«قارجىلاندىرۋ ءۇشىن ءبىرىنشى ترانش ءبولىندى. قازىرگى كەزدە جوبانى بەيىمدەۋ، ياعني نىساننىڭ ەسكيزى كەلىسىلىپ، ەلەكتر جەلىسى ءۇشىن تارتۋ ءۇشىن تەحنيكالىق رۇقسات الۋ جۇمىستارى جۇرگىزىلىپ جاتىر. جاقىندا اۋماقتا اسفالت توسەۋ جانە كوگالداندىرۋ جۇمىستارى باستالادى. جوبا 2021-جىلدىڭ ەكىنشى توقسانىندا تولىق جۇزەگە اسىرىلادى»، - دەيدى «Taga Group» ج ش س ديرەكتورى سەرىك تانكيەۆ.

وڭىردە بالىق شارۋاشىلىعى فورەل وسىرۋمەن عانا شەكتەلمەيدى، وبلىس اۋماعىندا جوعارى ساپالى بالىق ساتاتىن ساۋدا نۇكتەلەرى بار. ايتالىق، قورعالجىن اۋدانى فلورا جانە فاۋناعا باي كوركەم ءوڭىر. مۇندا يۋنەسكونىڭ قورعاۋىنداعى الەمدە تەڭدەسىز قورىق ورنالاسقان. ەندى ءوڭىر باي يحتيوفاۋناسىمەن تامساندىرا الادى.