سەمەيدەگى مەكتەپ-ينتەرناتتا بالا قايتىس بولدى
بۇل تۋرالى شىعىس قازاقستان وبلىسى اكىمدىگىنىڭ Instagram-داعى رەسمي پاراقشاسىندا جازىلدى، دەپ حابارلايدى قازاقپارات.
«وبلىستىق ءبىلىم باسقارماسىنىڭ اقپاراتى بويىنشا، 17- تامىزدا سەمەي قالاسىنىڭ «جەتىم بالالار مەن اتا-اناسىنىڭ قامقورلىعىنسىز قالعان بالالارعا ارنالعان مەكتەپ-ينتەرنات» ك م م تاربيەلەنۋشىسى قايتىس بولدى.
ءولىمىنىڭ الدىن الا كورسەتىلگەن سەبەبى - باس ميىنىڭ ءىسىنۋى. ⠀
ايماق باسشىسى دانيال احمەتوۆتىڭ تاپسىرماسى بويىنشا ماسەلەنى ەگجەي-تەگجەيلى تەكسەرۋ ءۇشىن ارنايى كوميسسيا قۇرىلدى. ونى ش ق و اكىمىنىڭ ورىنباسارى الىشەر مارحابات باسقارادى.
جۇمىس توبىنىڭ قۇرامىنا قاداعالاۋ جانە قۇقىق قورعاۋ ورگاندارى، دەنساۋلىق ساقتاۋ باسقارماسى، ت ك ق س ق ب د، سونداي-اق قوعام وكىلدەرى كىردى.
ءار بالانىڭ ءولىمى - قايعىلى جاعداي. سوندىقتان ءار جاعدايدى تولىققاندى زەردەلەپ، زەرتتەۋ قاجەت. ايتا كەتۋ كەرەك، اتالعان ماسەلە وبلىس اكىمىنىڭ جەكە باقىلاۋىندا»، - دەلىنگەن تاراتىلعان اقپاراتتا.