+7 (701) 759 90 19
3 °С : نۇر-سۇلتان
9 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

الماتى وبلىسىندا ساداقا جاشىگىن بۇزعان ايەل ۇستالدى

19 تامىز 09:30
:ءبولىسۋ
الماتى وبلىسىندا ساداقا جاشىگىن بۇزعان ايەل ۇستالدى

تالدىقورعان. قازاقپارات - الماتى وبلىسىنىڭ جامبىل اۋدانىندا كەسەنەدەگى ساداقا جاشىگىن بۇزعان كۇدىكتى ايەل ۇستالدى، - دەپ حابارلايدى قازاقپارات ءتىلشىسى.

الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، وقيعا جامبىل اۋدانىنداعى كەسەنەلەردىڭ بىرىندە بولعان. كەسەنەنىڭ تازالىعى مەن تارتىبىنە قاراپ، ءتاۋ ەتىپ كەلۋشىلەرگە جاردەم بەرۋشى تۇلعا كەسەنە ىشىندەگى ساداقا جاشىگىنىڭ قۇلپى بۇزىلعانىن جانە ىشىندەگى قاراجاتتىڭ قولدى بولعانىن انىقتاعان.

«كەسەنەدەگى ساداقا جاشىگىنىڭ قولدى بولعانى تۋرالى حابار ءتۇستى. قىلمىسقا قاتىسى بار دەگەن كۇدىكپەن 39 جاستاعى ايەل ادام پوليتسيا بولىمشەسىنە جەتكىزىلدى. ونىڭ جاقىن اۋىلداردىڭ ءبىرىنىڭ تۇرعىنى ەكەنى انىقتالدى. كۇدىكتىدەن قولدى بولعان قاراجات تاركىلەندى. اتالعان دەرەك بويىنشا ق ر قىلمىستىق كودەكسىنىڭ 188-بابىنا سايكەس، سوتقا دەيىنگى تەرگەۋ امالدارى جۇرگىزىلىپ جاتىر»، - دەدى جامبىل اۋدانى پوليتسيا ءبولىمىنىڭ باستىعى پوليتسيا پولكوۆنيگى اسحان تەگەنبايەۆ.

تەرگەۋ بارىسىندا كۇدىكتىنىڭ بۇعان دەيىن كەسەنەگە كەلىپ، قارجى سالىنعان جاشىكتىڭ ەش باقىلاۋسىز تۇرعانىنا كوز جەتكىزگەنى بەلگىلى بولدى. كەلەسى جولى دايىندىقپەن كەلگەن ايەل جاشىكتىڭ قۇلپىن بۇزىپ، ىشىندەگى قاراجاتتى الىپ كەتكەن. كۇدىكتى ايەل مەكەنجايىن وزگەرتپەۋ تۋرالى مىندەتتەمەمەن بوساتىلدى.

ونىڭ بۇدان وزگە دە وسىعان ۇقساس قىلمىستارعا قاتىسى بار-جوعى تەكسەرىلەتىن بولادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات