+7 (701) 759 90 19
14 °С : نۇر-سۇلتان
24 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

جىلقىشىلار قۇرىقپەن جىلقى ۇستاۋدان ونەر كورسەتتى - شەتەلدەگى قازاق ءتىلدى ب ا ق- قا شولۋ

16 تامىز 20:14
:ءبولىسۋ
جىلقىشىلار قۇرىقپەن جىلقى ۇستاۋدان ونەر كورسەتتى - شەتەلدەگى قازاق ءتىلدى ب ا ق- قا شولۋ

نۇر-سۇلتان. قازاقپارات - «قازاقپارات» ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

تۋريستەر جىلقىشىلاردىڭ قۇرىقپەن جىلقىنى قالاي ۇستايتىنىن تاماشالادى - تيانشاننەت

ق ح ر ىشكى موڭعول اۆتونوميالىق ولكەسىنىڭ شيجۋمۋچين اۋدانىنداعى موڭعول جىلقىشىلار تۋريستەرگە جىلقىنى قالاي قۇرىقتايتىنىن كورسەتتى، - دەپ جازادى «تيانشاننەت» اقپاراتتىق پورتالى.

«تۋريستەرگە ارنالعان مادەني ءىس-شارا بايىنقوشۋر سۇمىنىنداعى اقبوز جىلقى تۇقىمىن ءوسىرۋ بازاسىنىڭ جايلاۋىندا ءوتتى.

جىلقىشىلاردىڭ جىلقىعا قۇرىق سالىپ ۇستاۋ ونەرى تۋريستەردى ەرەكشە قىزىقتىرعان. سونىمەن بىرگە اتالعان شاردا قوناقتارعا جەرگىلىكتى حالىقتىڭ باسقادا ءداستۇرلى مادەنيەتتى كورسەتىلدى. وقىرمانعا وسى دۋماندى ءىس-شارانىڭ فوتورەپورتاجىن ۇسىنامىز»، - دەپ جازادى تيانشاننەت.

ەسكە سالا كەتەيىك، جەلمەن جارىسقان جۇيرىكتى قولعا ۇيرەتىپ، ۇستاۋى قازاق حالقىنىڭ دا ءداستۇرلى شارۋاشىلىعىنىڭ ءبىر سالاسى. قازاقتاردىڭ دا جىلقى ۇستاۋدا ەڭ ءجيى پايدالانىلاتىن قۇرالى - قۇرىق. قۇرىق 5-6 مەترلىك جىڭىشكە قايىڭعا قىلدان ەسىلگەن ارقان تاعۋ ارقىلى دايىندالادى. قۇرىقتى اساۋعا ات ۇستىنەن دە، جاياۋ دا سالادى. جىلقىعا قۇرىق سالۋ جىگىتتىڭ كۇش-قايراتىن، ەپتىلىگىن سىنايتىن ونەر.

ال قۇرىق تيمەگەن اساۋدى قۇلاقتان باسۋ-جىگىتتىڭ جىگىتىنىڭ عانا قولىنان كەلەتىن دۇنيە. بۇدان باسقا اساۋ جىلقىلاردى ۇستاۋ ءۇشىن بۇعالىق سالۋ، شالما ءتۇسىرۋ، تۇزاق قۇرۋ ادىستەرى دە قولدانىلادى.

سامارقانت اۋەجايى 62 ميلليون دوللارعا قايتا جاڭارتىلادى - «ءو ز ا» اقپاراتتىق اگەنتتىگى

سامارقانت اۋەجايىنىڭ جاڭا كورىنىسى «كىتاپقا» ۇقساس بولادى. ونىڭ قۇرىلىس جوباسىن تۇركيانىڭ «Kiklop» جانە وزبەكستاننىڭ «Primetime Group» كومپانيالارى جۇزەگە اسىرادى، دەپ حابارلايدى وزبەكستاننىڭ «ءو ز ا» مەملەكەتتىك اقپاراتتىق اگەنتتىگى.

«جوبا جەتەكشىلەرىنىڭ مالىمەتىنشە جاڭا اۋەجاي 2021 -جىلدا پايدالانۋعا بەرىلىپ، ونىڭ اۋماعىندا 22 ۇشاق ءۇشىن تۇراق پەن ۇشۋ قونۋ جولاعىن سالۋ جوسپارلانعان. تولىقتاي ىسكە اسقاننان سوڭ اۋەجاي ءوزىنىڭ وتكىزۋ قابىلەتتىلىگىن ساعاتىنا 600 دەن 1200 ادامعا دەيىن ارتتىرا الادى جانە ول «اشىق اسپان» رەجيمىندە جۇمىس باستايدى»، - دەپ جازادى «ءو ز ا» اگەنتتىگى.

قازاقستان قازاق حالقىنىڭ ۇلى اقىنى ابايدىڭ 175 جىلدىعىن اتاپ ءوتتى - «جەنمين جيباو» (People Daily)

قازاقستان حالقى 10- تامىزدا جاڭا رەسمي مەرەكە «اباي كۇنىن» اتاپ ءوتتى، دەپ حابارلايدى kazakh.people.com.cn سايتى «سينحۋا» اقپارات اگەنتتىگىنە سىلتەمە جاساپ.

«قازاقستان مەملەكەتى 10-تامىز كۇنى تۇڭعىش رەت «اباي كۇنىن» قارسى الىپ، قازاقتىڭ ۇلى تۇلعاسى، فيلوسوف، ويشىل اقىنى اباي قۇنانبايەۆتىڭ تۋعانىنا 175 جىل تولۋىن اتاپ ءوتتى»، - دەپ جازادى «جەنمين جيباو» سايتى.

ەسكە سالا كەتەيىك، 30- مامىردا مەملەكەت باسشىسى قاسىم-جومارت توقايەۆ ابايدىڭ تۋعانىنا 175 جىل تولۋىن اتاپ ءوتۋ تۋرالى جارلىققا قول قويعان بولاتىن. قازاقستاندا العاش رەت جاڭا رەسمي مەرەكە «10- تامىز - اباي كۇنى» بولىپ بەكىتىلدى.

موڭعوليانىڭ حۇننۇ ەير اۋە كومپانياسى قازاقستانعا رەيس اشادى - - KAZNEWS

موڭعوليانىڭ حۇننۇ ەير (كۇننۋ ەير دەپ وقىلادى - رەد) اۋە كومپانياسى قازاقستان رەسپۋبليكاسىنا تۇراقتى رەيس اشادى.

بۇل تۋرالى كومپانيانىڭ باسپا ءسوز قىزمەتى حابارلادى، دەپ جازادى موڭعوليالىق KAZNEWS اقپاراتتىق پورتالى.

«شەكارا اشىلىپ، ۇشۋعا مۇمكىندىك بەرىلگەن كەزدە ءبىز ۇلانباتىر-الماتى-ۇلانباتىر باعىتىنا تىكەلەي جولاۋشى تاسىمالداۋدى باستايمىز. سوندىقتان قازىردەن باستاپ دايىندىق جۇمىسىنا كىرىستىك» - دەلىنگەن كومپانيا حابارلاماسىندا.

حۇننۇ ەير اۋە كومپانياسى قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگىنەن شەتەلدىك تاسىمالداۋشىنى تىركەۋ تۋرالى كۋالىگىن العان»، - دەپ جازادى KAZNEWS پورتالى.

تۇركى كەڭەسى ەلدەرىنىڭ دەنساۋلىق ساقتاۋ قىزمەتكەرلەرى جينالىس وتكىزدى - TRT

تۇركى كەڭەسى دەنساۋلىق عىلىمي كەڭەسىنىڭ جينالىسى ەكىنشى رەت ۇيىمداستىرىلدى. جينالىستا كوروناۆيرۋستىڭ جاڭا تۇرىنە بايلانىستى جاڭالىقتار تالقىلاندى، دەپ جازادى تۇركيا راديو تەليەۆيزيا پورتالى.

«تۇركيا دەنساۋلىق ساقتاۋ مينيسترلىگىنىڭ حابارلاماسىنا قاراعاندا، جينالىس تۇركى كەڭەسى باس حاتشىسى باعدات امىرەيەۆ باسشىلىعىندا ءوتتى. دەنساۋلىق ساقتاۋ ءمينيسترىنىڭ ورىنباسارى جانە تۇركى كەڭەسى دەنساۋلىق عىلىمي كەڭەسىنىڭ ءتوراعاسى پروفەسسور ەمينە الپ مەشە باسقارعان جينالىستا COVID-19 پاندەمياسىنداعى سوڭعى مالىمەتتەر ءبولىسىلدى. جينالىسقا ازەربايجان، ۆەنگريا، قازاقستان، قىرعىزستان جانە وزبەكستاننان وكىلدەر قاتىسقان. مينيستر ورىنباسارى پروف. الپ مەشە جينالىستا كوۆيد-19-بەن كۇرەس شەڭبەرىندە تۇركيانىڭ تۇركى كەڭەسىنە مۇشە ەلدەرمەن جۇرگىزگەن ىنتىماقتاستىعى جانە كومەك جۇمىستارى جونىندە مالىمەت بەردى»، - دەپ جازادى TRT.

اتالعان ب ا ق- تىڭ جازۋىنشا، شارادا تر دەنساۋلىق ساقتاۋ مينيسترلىگى عىلىمي كەڭەسىنىڭ مۇشەسى پروف. حاكان تۇرىكچاپار «كوۆيد-19 ەپيدەمياسىمەن كۇرەستە جەكە ادام جانە قوعام پسيحولوگياسىن باسقارۋ» اتتى بايانداماسىن وقىعان. جينلىستا سونىمەن بىرگە تۇركى كەڭەسىنە مۇشە ەلدەر اراسىندا ورتاق دەرەك قورى قالىپتاستىرۋدى، ۆاكتسينا جۇمىستارى جانە مۇشە ەلدەردىڭ مەديتسينالىق قىزمەتكەرلەرىنە ونلاين ءبىلىم بەرۋ باعدارلامالارى تالقىلانىپ، 23-28 تامىز كۇندەرىندە يزميردە بولاتىن «ۆاكتسينا سەمينارى» جونىندە دە ماسەلەلەر قاراستىرىلعان.

قازاقستاندا 17- تامىزدان باستاپ حالىقارالىق رەيستەر اشىلادى - «فارس» اقپارات اگەنتتىگى

قازاقستاننىڭ يندۋستريا جانە ينفراقۇرىلىمدىق دامۋ مينيسترلىگى 17- تامىزدان باستاپ حالىقارالىق رەيستەردىڭ قايتا اشىلاتىنىن حابارلادى، دەپ جازادى «فارس» اقپارات اگەنتتىگى.

«Fars اقپارات اگەنتتىگىنىڭ حابارلاۋىنشا، قازاقستاندا كوروناۆيرۋستىڭ الدىن الۋ سالاسىنداعى ۆەدومستۆوارالىق كوميسسيانىڭ شەشىمىنە سايكەس، ق ر دەنساۋلىق ساقتاۋ مينيسترلىگىنىڭ ۇسىنىمدارىن، ەپيدەميولوگيالىق جاعدايدىڭ دەڭگەيىن ەسكەرە وتىرىپ، ددسۇ كارتاسىنا سايكەس 17-تامىزدان باستاپ بىرىككەن اراب امىرلىكتەرى، بەلارۋس، گەرمانيا، نيدەرلاند، ەگيپەت، ۋكراينا جانە رەسەي ەلدەرىمەن اراداعى حالىقارالىق رەيستەر كەزەڭ- كەزەڭىمەن قايتا اشىلادى. سانيتارلىق- ەپيدەميولوگيالىق ەرەجەلەر نەگىزىندە تۇراقتى رەيستەردى قايتا اشۋ ماسەلەسى قازاقستاننىڭ ءتيىستى مينيسترلىگى مەن اتالمىش ەلدەردىڭ اۋە تاسىمالى باسشىلارىمەن تالقىلاندى»، - دەپ جازادى رarstoday.

اۆتور: باقىتجول كاكەش


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات