11:59, 16 - تامىز 2020 | GMT +6
الماتىدا پارا العان پوليتسەي مەن پروكۋرور ۇستالدى
الماتى. قازاقپارات - الماتىدا پوليتسيا قىزمەتكەرى مەن پروكۋرور ادامدى اكىمشىلىك جازادان امان الىپ قالۋ ءۇشىن پارا العان، دەپ حابارلايدى قازاقپارات ءتىلشىسى.
«15- تامىزدا الماتى سىبايلاس جەمقورلىققا قارسى قىزمەت وكىلدەرى مەن الماتى پروكۋراتۋراسىنىڭ ىشكى قاۋىپسىزدىك قىزمەتكەرلەرى المالى اۋداندىق پ ب اكىمشىلىك پوليتسيا ءبولىمىنىڭ ينسپەكتورى مەن پروكۋراتۋرا ءبولىمىنىڭ پروكۋرورىن اشكەرەلەدى. ولاردىڭ ءبىر ادامدى اكىمشىلىك جازاعا تارتپاۋ ءۇشىن 200000 تەڭگە كولەمىندە اقشا العانىن انىقتادى»، - دەدى قالالىق پروكۋراتۋرانىڭ باسپا ءسوز قىزمەتىنەن.
قازىر بۇل وقيعاعا بايلانىستى تەكسەرۋ جۇرگىزىلىپ جاتىر. باسقا دەرەكتەر تەرگەۋ قۇپياسىنا جاتاتىندىقتان جاريالانبايدى.