+7 (701) 759 90 19
6 °С : نۇر-سۇلتان
17 °С : الماتى
USD 420.76 EUR 498.6
RUB 5.6 CNY 62.27
جاڭالىقتار

بيبىگۇل تولەگەنوۆا ءشامشى قالداياقوۆتىڭ مەرەيتويىنا ارنالعان «مەنىڭ قازاقستانىم» چەللەندجىن باستادى

15 تامىز 13:59
:ءبولىسۋ
بيبىگۇل تولەگەنوۆا ءشامشى قالداياقوۆتىڭ مەرەيتويىنا ارنالعان «مەنىڭ قازاقستانىم» چەللەندجىن باستادى

نۇر-سۇلتان. قازاقپارات - بۇگىن ق ر مادەنيەت جانە سپورت مينيسترلىگىنىڭ ۇيىمداستىرۋىمەن «مەنىڭ قازاقستانىم» حالىقارالىق مۋزىكالىق چەللەندجى باستالدى.

اۋەندى مارافون اتاقتى كومپوزيتور، ءان جانرىنىڭ ايگىلى مايتالمانى، قازاق ەستراداسىنىڭ نەگىزىن سالۋشىلاردىڭ ءبىرى، قازاقستاننىڭ حالىق ءارتىسى، ق ر ءانۇرانى اۋەنىنىڭ اۆتورى ءشامشى قالداياقوۆتىڭ تۋعان كۇنىنە ارنالادى، دەپ حابارلايدى قازاقپارات ءتىلشىسى.

حالىقارالىق اۋقىمدى قامتيتىن بۇل شارانى ۇيلەستىرۋ «قازاق كونسەرت» ۇيىمى جانىنداعى «كونسەرتتىك-گاسترولدىك قىزمەت ورتالىعىنا» جۇكتەلگەن. جوبانىڭ ەرەكشەلىگى - ونى «قازاق مۋزىكاسىنىڭ التىن داۋىسى»، ءان الەمىنىڭ ارداگەرى بيبىگۇل تولەگەنوۆانىڭ باستاۋىندا بولىپ وتىر.

ءشامشى قالداياقوۆتىڭ ۇزەڭگىلەس - زامانداسى بيبىگۇل احمەت قىزى سازگەردىڭ «قايىقتا» ءانىن ەڭ العاش ورىنداعان ەدى. تالانت يەسى جاستىق شاعىن ەسكە الىپ، اتالعان ءاندى تىڭدارماندارىنا تاعى ءبىر مارتە ۇسىندى.

بيبىگۇل تولەگەنوۆا «مەنىڭ قازاقستانىم» حالىقارالىق مۋزىكالىق چەللەندجىن جالعاستىرۋ ەستافەتاسىن بەلگىلى ءانشى الىبەك دىنىشيەۆكە، قازاقستاننىڭ حالىق ءارتيسى روزا رىمبايەۆاعا، ك س ر و جانە قازاقستاننىڭ ەڭبەك سىڭىرگەن سپورت شەبەرى، ق ر ەڭبەك سىڭىرگەن قايراتكەرى داۋلەت تۇرلىحانوۆقا، سونداي-اق، الىس-جاقىن شەت ەلدەردەگى قانداستارىمىزعا جولدادى.

قازىرگى ۋاقىتتا اتالمىش ەستافەتانى قابىل الۋشىلار جوبانى قۋاتتى قولداپ، جالعاستىرۋعا بەلسەندىلىك تانىتۋدا. ماسەلەن، روزا رىمبايەۆا كەزەكتى ءان مارافونىن قازاق وپەراسىنىڭ قوس جۇلدىزى نۇرجامال ۇسەنبايەۆا مەن مايرا مۇحامەد قىزىنا جانە جاس ءانشى امىرەگە جولدايتىنىن جوسپارلاپ وتىر.

سونىمەن قاتار، داۋلەت تۇرلىحانوۆ ءوزىنىڭ سپورتتاعى شاكىرتتەرى مەن تانىمال ونەر جۇلدىزدارىن تارتپاقشى. الداعى ۋاقىتتا تانىمال ونەر جۇلدىزدارى مەن تالانتتى اكتەرلەردى، بەلگىلى سپورتشىلار مەن كۇللى قازاقستاندىقتاردى بىرىكتىرەتىن مۋزىكالىق چەللەندج ونەر سۇيەر قاۋىمدى تاڭعالدىرارى ءسوزسىز.

ايتا كەتەيىك، ايگىلى كومپوزيتوردىڭ 90 جىلدىعى رەسپۋبليكالىق ماڭىزى بار مەرەيتويلار تىزىمىنە ەنگەن.

كەشە «قازاق ۆالسىنىڭ كورولى» اتانعان ءشامشى قالداياقوۆقا تۋعان جەرىندە، تۇركىستان وبلىسىنىڭ وتىرار اۋدانىندا مۋزەي اشىلدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات