جارتى جىلدا قانشا قازاقستاندىق قايتىس بولدى؟

None
None
نۇر-سۇلتان. قازاقپارات - ۇلتتىق ەكونوميكا مينيسترلىگىنىڭ ستاتيستيكا كوميتەتى جارتى جىلدا قازاقستاندا قانشا ادام قايتىس بولعانى تۋرالى مالىمەت جاريالادى، - دەپ حابارلايدى Tengrinews.kz ءتىلشىسى.

ايتا كەتەيىك، بۇعان دەيىن 5 اي ىشىندە قاڭتار-مامىر ايلارى ارالىعىندا 50019 ادامنىڭ قايتىس بولعانى حابارلانعان ەدى.

ستاتيستيكا كوميتەتىنىڭ مالىمەتىنشە، 2020-جىلدىڭ التى ايىندا 64968 ادام قايتىس بولدى. سالىستىراتىن بولساق، 2019-جىلدىڭ ءبىرىنشى جارتىسىندا 66613 ءولىم تىركەلدى.

جارتى جىلدا ءولىم-ءجىتىمنىڭ باسىم بولىگى شىعىس قازاقستاندا تىركەلدى - 6859 ادام. قايتىس بولعاندار سانى بويىنشا ەكىنشى ورىندا الماتى - 6771، ودان كەيىن قاراعاندى وبلىسى - 6475 ادام تۇر.

ءولىم سانى ەڭ از جاعداي ماڭعىستاۋ وبلىسىندا تىركەلگەن ەكەن - 1531 ادام.

سونداي-اق، كوميتەت وكىلدەرى تىركەلگەن ءولىم سەبەپتەرىن اتادى:

قان اينالىم جۇيەسى اۋرۋلارىنان - 15651 ادام،

گيپەرتونيادان - 423 جاعداي،

جۇرەكتىڭ يشەميالىق اۋرۋىنان 5297 ادام،

ستەنوكارديادان - 186،

جەدەل ميوكارد ينفاركتىسىنەن - 961،

ميدىڭ تامىرلى زاقىمدانۋىنان - 5607،

ىسىكتەردەن - 7441، قاتەرلى ىسىكتەردەن - 7257،

جازاتايىم وقيعالاردان، ۋلانۋدان جانە جاراقاتتانۋدان - 4833،

تىنىس الۋ ورگاندارى اۋرۋلارىنان - 7326.

ءولىم-ءجىتىمنىڭ جالپى سانىندا كىسى ءولتىرۋ، ءوزىن-ءوزى ءولتىرۋ جانە كولىك اپاتتارىنان تىركەلگەن جاعدايلار بار.

سوڭعى جاڭالىقتار