تالعاردا تاپا-تال تۇستە ەرلى-زايىپتىلار دۇكەندى توناپ كەتكەن
وقيعا 12- تامىز كۇنى اۋدان ورتالىعى تالعار قالاسىندا ورىن العان. ازاماتتىق نەكەدەگى ەرلى-زايىپتىلار الدىن الا ءسوز بايلاسۋ ارقىلى ۇيلەرىنە جاقىن ماڭداعى دۇكەننەن دۇكەن ساتۋشىلارىن قورقىتۋ ارقىلى ازىق-تۇلىك الىپ، وقيعا ورنىنان ءىز سۋىتقان. پوليتسەيلەرگە قوڭىراۋ شالعاندىقتان، ءتارتىپ ساقشىلارى شۇعىل جەتىپ، قىلمىسقا قاتىسى بار ادامداردى جىلدام انىقتادى.
- ازاماتتىق نەكەدە تۇرىپ جاتقانداردىڭ ءوزارا كەلىسۋىمەن قىلمىستىڭ ورىن العانى انىقتالدى. اتالعان دەرەككە سايكەس ق ر قىلمىستىق كودەكسىنىڭ 191-بابىنىڭ 2-تارماعى بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
32 جاستاعى كۇدىكتى اۋداندىق پوليتسيا باسقارماسىنىڭ ۋاقىتشا ۇستاۋ يزولياتورىنا قاماققا الىندى، - دەدى تالعار اۋدانى پوليتسيا باسقارماسىنىڭ باستىعى ەرلان قاسىم.
تەرگەۋ بارىسىندا كۇدىكتى ازاماتتىڭ بۇعان دەيىن قىلمىستىق جاۋاپكەرشىلىككە تارتىلعانى انىقتالدى. ول دۇكەن ساتۋشىلارىنا بۇرىن سوتتى بولعانىن جانە ەشتەڭەدەن تايىنبايتىنىن ايتىپ، قورقىتقانى بەلگىلى بولدى.