جەتىسايدا كوروناۆيرۋس جۇقتىرعان ايەل امان-ەسەن بوساندى

None
None
جەتىساي. قازاقپارات - تۇركىستان وبلىسى، جەتىساي اۋدانىندا كوروناۆيرۋس جۇقتىرعان جۇكتى كەلىنشەك پەرزەنتىن امان-ەسەن دۇنيەگە اكەلدى، دەپ حابارلايدى قازاقپارات ءتىلشىسى.

21 جاستاعى ماقتاارال اۋدانىنىڭ تۇرعىنى كەشە جۇكتىلىك كەزەڭىنىڭ 39 اپتالىعىندا «جەتىساي» اۋداندىق ورتالىق اۋرۋحاناسىنا ءتۇستى. ايەل دەنى ساۋ ۇل بالانى ومىرگە الىپ كەلدى. ءسابيدىڭ سالماعى 3,2 كەلى.

«كەلىنشەكتىڭ بۇل تۇڭعىش ءسابيى. ەسەپكە الىنىپ، ءۇي جاعدايىندا باقىلاۋدا تۇراتىن كەلىنشەكتىڭ جاعدايىنا قاراي ارەكەت جاساپ، امان-ەسەن بوساندىرىپ الدىق. اناسى مەن ءسابيدىڭ جاعدايى قاناعاتتانارلىق»، - دەيدى «جەتىساي» اۋداندىق اۋرۋحاناسىنىڭ پەرزەنتحانا ءبولىمى مەڭگەرۋشىسى ايناگۇل امىرەيەۆا.

ەلدەگى توتەنشە جاعداي مەن كارانتيندىك رەجيمگە قاراماستان اۋدانداعى دارىگەرلەردىڭ كاسىبيلىگىنىڭ ناتيجەسىندە جىل باسىنان بەرى جەتىساي اۋداندىق پەرزەنتحاناسىندا 2800 ءسابي دۇنيەگە كەلگەن. ولاردىڭ 50 ءى ەگىز بولسا، 400 گە جۋىعى وتا ارقىلى دۇنيەگە كەلگەن.

ايتا كەتەيىك، وبلىستىق دەنساۋلىق ساقتاۋ باسقارماسى باسشىسىنىڭ بۇيرىعىمەن ناۋرىز ايىندا «جەتىساي» اۋداندىق ورتالىق اۋرۋحاناسىندا سارىاعاش، كەلەس، ماقتاارال، شاردارا جانە جەتىساي اۋداندارىنا ارنالعان 100 ورىندىق ينفەكتسيالىق گوسپيتال قۇرىلعان بولاتىن.

بۇگىندە covid19 پاندەمياسىنا شالدىعۋشىلار سانىنىڭ تومەندەۋىنە بايلانىستى مۇندا نەبارى 20 توسەك-ورىن قالدىرىلعان.

سوڭعى جاڭالىقتار