قوعام قايراتكەرلەرى كارانتيندى كەزەڭ-كەزەڭمەن الىپ تاستاۋعا قولداۋ ءبىلدىردى

None
None
نۇر-سۇلتان. قازاقپارات - قازاقستاننىڭ قوعام قايراتكەرلەرى 17- تامىزدان باستاپ ەلىمىزدە كارانتين شارالارىنىڭ كەزەڭ-كەزەڭىمەن الىنىپ تاستالۋىنا قولداۋ بىلدىرۋدە، دەپ حابارلايدى قازاقپارات ءتىلشىسى.

«وسى ۇستانىمداردى ءوزىم قولداپ وتىرمىن. نەگە دەسەڭىزدەر، ول ەلىمىزدەگى ءار ازاماتقا، ءار ادامنىڭ ومىرىنە بايلانىستى. سوندىقتان ءبارىمىز سابىرلى بولىپ، وسى شارتتاردى تولىق ۇستانايىق»، - دەدى ق ر كاسىپوداقتار فەدەراتسياسى ءتوراعاسىنىڭ ورىنباسارى نۇرلان وتەشوۆ «Qazaqstan» تەلەارناسىنا بەرگەن سۇحباتىندا.

ال ەكونوميست-ساراپشى ساپارباي جۇبايەۆ ەلىمىزدىڭ دەنساۋلىق ساقتاۋ جۇيەسى تاياۋ كۇندەرى رەسپۋبليكا كاسىپورىندارىنىڭ جۇمىسىنا رۇقسات بەرگەن كەزدە سول مۇمكىندىكتى مۇمكىندىگىنشە پايدالانىپ، بارلىق نىساننىڭ ۇيلەسىمدى قىزمەتىن قامتاماسىز ەتۋ قاجەتتىگىن ايتادى.

«سەبەبى 2019-جىلمەن سالىستىرعاندا جالپى ىشكى ءونىم ءوندىرىسى 1-2 پايىزعا تومەندەپ وتىر. حالقىمىز ەكونوميكامەن قاتار ءوز دەنساۋلىقتارىنا دا ەرەكشە كوڭىل ءبولىپ، مەملەكەتتىك كوميسسيا شەشىمدەرىن بۇلجىتپاي ورىنداۋ كەرەك. سول ارقىلى حالقىمىزدىڭ دەنساۋلىعىن دا، ەلىمىزدىڭ ەكونوميكاسىن دا جاقسارتا تۇسەمىز»، - دەدى ساپارباي جۇبايەۆ.

ەسكە سالا كەتسەك، 17- تامىزدان باستاپ ءبىرقاتار نىسان جۇمىسىن قايتا باستايدى.

سوڭعى جاڭالىقتار