+7 (701) 759 90 19
17 °С : نۇر-سۇلتان
14 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

كوروناۆيرۋس ازىق- تۇلىك قاپتاماسى ارقىلى جۇعا ما - د د س ۇ جاۋابى

14 تامىز 22:47
:ءبولىسۋ
كوروناۆيرۋس ازىق- تۇلىك قاپتاماسى ارقىلى جۇعا ما -  د د س ۇ جاۋابى

نۇر-سۇلتان. قازاقپارات - كوروناۆيرۋس قالاي، قايدان جۇعادى؟ بۇعان دەيىن اركىم ويدى سان- ساققا جۇگىرتىپ، ءدۇرلى دەرەكتەر ايتىپ كەلگەن ەدى. ەندى ۆيرۋس ازىق- تۇلىك قاپتاماسىنان دا تابىلىپ جاتىر، دەپ حابارلايدى «حابار 24».

قىتايدىڭ بىردەن ەكى قالاسىندا ەت ونىمدەرىنىڭ قاپتاماسىنان COVID-19 انىقتالعان. مۇنداي جاعداي جاڭا زەلانديادا دا تىركەلدى.

ەت قاپتاماسىنان ۆيرۋس انىقتالدى قىتايدىڭ بىردەن ەكى قالاسىندا مۇزداتىلعان تاۋار قاپتامالارىنان كوروناۆيرۋس انىقتالدى. بۇل تۋرالى جەرگىلىكتى بيلىك حابارلادى. ەلدىڭ وڭتۇستىگىندەگى شىنجىن قالاسىندا تاۋىق ەتىنىڭ سىرتقى بولىگىنەن كوۆيد-19 عا الىنعان ۇلگىلەر وڭ ناتيجە كورسەتكەن. ال، سولتۇستىك- باتىستاعى شياندا قاۋىپتى ۆيرۋس ساتىلىمداعى شاياننىڭ قاپتاماسىنان انىقتالعان. بۇل تاۋارلاردى پايدالانعان تۇرعىنداردا كوروناۆيرۋس تابىلمادى. دەگەنمەن، الەم جۇرتشىلىعى بۇل جاڭالىقتى ەستىپ الاڭداي باستادى.

جاۋ ليجيان، قىتاي س ءى م رەسمي وكىلى:

- بۇل وقيعاعا بايلانىستى ءتيىستى سالالارمەن تىعىز جۇمىستى باستاپ كەتتىك. يمپورتتالعان ەلدەرمەن بىرگە عىلىمي زەرتتەۋ جۇمىستارىن باستادىق. وسى ارقىلى كوروناۆيرۋستىڭ قاپتامادا قالاي پايدا بولعانىن انىقتايمىز. كەسەلدىڭ تاراپ كەتپەۋى ءۇشىن قولدان كەلگەنىن جاسايمىز.

تاۋىق ەتى مەن شايان سىرتتان اكەلىنگەن شىنجىن بيلىگى يمپورتتالعان تاۋىق ەتى برازيلياداعى اۆرورا زاۋىتىنان كەلگەنىن انىقتادى. بۇل تاۋىق جانە دوڭىز ەتىن يمپورتتايتىن برازيلياداعى اۋقىمى جاعىنان ءۇشىنشى كاسىپورىن ەكەن. زاۋىت باسشىلىعى قىتاي تاراپىنان وقيعاعا قاتىستى حابارلاندىرۋ الماعانىن ايتادى. دەسە دە كەسەل ارى قاراي تاراپ كەتپەس ءۇشىن كاسىپورىندا زەرتتەۋ جۇمىستارىن جۇرگىزەتىنىن مالىمدەدى. ال شيان قالاسىنا شايان ەكۆادوردان اكەلىنگەن ەكەن. بۇل كاسىپورىندار تاۋارلارىن زارارسىزداندىرىپ، قىزمەتكەرلەرىن تەكسەرۋگە كىرىسكەن. قاپتاماداعى ۆيرۋس جاڭا زەلانديادا دا وسىنداي جاعداي. وكلەند قالاسىندا ءتورت ادامنان قۇرالعان وتباسى مۇشەلەرىنەن كوروناۆيرۋس انىقتالعان. ناۋقاستار شەتەلگە شىقپاعان جانە سىرتتان كەلگەن ادامدارمەن بايلانىستا بولماعان. ال ەل ىشىندە سوڭعى 102 كۇندە بىردە- ءبىر ۆيرۋستى جۇقتىرعان دەرەك تىركەلمەدى. مەديتسينا ماماندارىنىڭ ايتۋىنشا، وتباسى مۇشەلەرىنىڭ ءبىرى ۆيرۋستى قويماداعى توڭازىتقىشتا ساقتالعان تاۋار قاپتاماسىنان جۇقتىرۋى مۇمكىن.

ەشلي بلۋمفيلد، جاڭا زەلانديانىڭ باس سانيتارلىق دارىگەرى:

- ۆيرۋس انىقتالعان ءتورت ادام مۇلدەم شەتەلگە شىقپاعان. تۋريست نەمەسە شەتەلدىكتەرمەن بايلانىستا بولماعان. سوندىقتان قازىر ۆيرۋستىڭ جۇعۋ جولىن انىقتاپ جاتىرمىز. ويتكەنى بۇل وتباسىمەن بايلانىستا بولعان 13 ادامنان COVID-19 انىقتالىپ وتىر. 12 كۇندىك كارانتين ەنگىزىلدى بيلىك بىردەن وكلەند قالاسىندا 12 كۇندىك كارانتين جاريالادى. 1,7 ميلليون تۇرعىنى بار شاھاردا شەكتەۋ شارالارى 26 -تامىزعا دەيىن جالعاسادى. كەسەل تاراپ كەتپەس ءۇشىن ونداعان مىڭ ادامدى تەستىلەۋدەن وتكىزۋ جوسپارلانىپ وتىر.

دجاسيندا اردەرن، جاڭا زەلانديانىڭ پرەمەر- ءمينيسترى:

- ەلىمىزدە سوڭعى ءۇش ايدا ەشكىمنەن ۆيرۋس انىقلماعان ەدى. ەندى ادامداردى بىردەن وقشاۋلاپ، كەسەلدىڭ تاراۋىنا جول بەرمەيمىز. شەكتەۋدىڭ باستى تالابى - تۇرعىنداردىڭ ۇيدە وتىرۋى.

د د س ۇ:

ۆيرۋس قاپتاما ارقىلى جۇقپايدى ءيا، مۇنداي جاڭالىقتاردان سوڭ الەم جۇرتشىلىعىنىڭ الاڭداۋىنا سەبەپ بار. دەسە دە دۇنيەجۇزىلىك دەنساۋلىق ساقتاۋ ۇيىمى كوروناۆيرۋس قاپتاما ارقىلى جۇقپايدى دەگەن مالىمدەمە جاسادى. ا ق ش- تىڭ اۋرۋلاردى باقىلاۋدا ۇستاۋ ورتالىعى دا COVID-19 تەك ادامنان ادامعا جۇعادى دەپ وتىر. ياعني ناۋقاستىڭ تۇشكىرۋ نەمەسە جوتەلۋى ارقىلى ۆيرۋس اۋاعا تارايدى. 1,8 مەترگە دەيىن ناۋقاسقا جاقىن تۇرعان ادام عانا كەسەلدى جۇقتىرىپ الۋى مۇمكىن.

مايك رايان، د د س ۇ توتەنشە باعدارلامالار ديرەكتورى:

- قىتاي تاۋار قاپتامالارىنا تەستىلەۋ جۇرگىزگەن. بارلىعى جۇزدەن استام تاۋاردىڭ ونىنان عانا ۆيرۋس انىقتالدى. شىنىندا كوروناۆيرۋس قاپتاما سىرتىندا بولۋى مۇمكىن. ءبىراق ۆيرۋس ازىق- تۇلىكتە بولسا، تاماقتى دايىنداۋ كەزىندە جوق بولىپ كەتەدى. جالپى، ىندەت تاماق نەمەسە قاپتاما ارقىلى تارايتىنىنا بىردە- ءبىر دالەل جوق. سوندىقتان الەم جۇرتشىلىعىن سابىرعا شاقىرامىز. جالپى، عىلىمعا سۇيەنسەك، تەمپەراتۋرا مينۋس 20 گرادۋس كەزىندە ۆيرۋستار ەكى جىلعا دەيىن ءومىر سۇرەدى ەكەن. ءبىراق، جوعارىدا ايتقانىمىزداي، الەم ساراپشىلارى دا ءدال وسى كوروناۆيرۋس ازىق- تۇلىك نەمەسە قاپتاما ارقىلى جۇعۋى مۇمكىن دەگەن نۇسقانى جوققا شىعارىپ وتىر. دەسە دە ساقتانساڭ ساقتايمىن دەگەن.


اۆتورى: جانسۇلۋ دۇيسەنالى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات