+7 (701) 759 90 19
-10 °С : نۇر-سۇلتان
-4 °С : الماتى
USD 420.67 EUR 510.99
RUB 5.58 CNY 64.92
جاڭالىقتار

قازاقستان قىتاي كەدەنىندە كاسىپكەرلەردەن پارا الۋدىڭ قىلمىستىق سحەماسىن جاساعان لاۋازىمدى تۇلعالار ۇستالدى

14 تامىز 20:26
:ءبولىسۋ
قازاقستان قىتاي كەدەنىندە كاسىپكەرلەردەن پارا الۋدىڭ قىلمىستىق سحەماسىن جاساعان لاۋازىمدى تۇلعالار ۇستالدى

نۇر- سۇلتان. قازاقپارات - الماتى وبلىسى مەملەكەتتىك كىرىستەر دەپارتامەنتىنىڭ «نۇر جولى» كەدەن بەكەتىنىڭ 8 لاۋازىمدى تۇلعاسىنىڭ قىلمىستىق ءىس- ارەكەتىنىڭ جولىن كەسىلدى.

بۇل تۋرالى AntikorNews باعدارلاماسىندا ايتىلدى، دەپ حابارلايدى قازاقپارات ءتىلشىسى.

«الماتى وبلىسىنىڭ سىبايلاس جەمقورلىققا قارسى قىزمەتى ق ر ۇ ق ك اسكەري قارسى بارلاۋ جانە قازاقستان رەسپۋبليكاسىنىڭ باس كولىك پروكۋراتۋراسىمەن بىرلەسىپ، اۋقىمدى ءىس- شارانى وتكىزۋ بارىسىندا الماتى وبلىسى مەملەكەتتىك كىرىستەر دەپارتامەنتىنىڭ «نۇر جولى» كەدەن بەكەتىنىڭ 8 لاۋازىمدى تۇلعاسىنىڭ قىلمىستىق ءىس- ارەكەتىنىڭ جولىن كەستى»، - دەيدى ق ر سىبايلاس جەمقورلىققا قارسى ءىس- قيمىل اگەنتتىگى.

ءبىرىنشى دەپارتامەنتىنىڭ اسا ماڭىزدى ىستەر جونىندەگى تەرگەۋشىسى دانيار بيعايداروۆ. اتاپ ايتقاندا، كەدەندىك، كولىكتىك، ۆەتەرينارلىق- فيتوسانيتارلىق جانە سانيتارلىق- ەپيدەميولوگيالىق باقىلاۋ سالاسىنداعى اتالعان لاۋازىمدى تۇلعالار جۇيەلى نەگىزدە كاسىپكەرلەردەن جانە ق ح ر- عا قاراي جۇرەتىن اۋىر جۇك كولىكتەرىنىڭ جۇرگىزۋشىلەرىنەن پارا الۋدىڭ قىلمىستىق سحەماسىن ۇيىمداستىرعان.

«قازاقستاننان ق ح ر- عا قاراي جول ءجۇرۋ ءۇشىن بەيرەسمي تولەم تۇرىندە قالىپتاسقان «تاكساعا» بايلانىستى ۇزىندىعى 30 شاقىرىمعا دەيىنگى ۇلكەن كەپتەلىسكە قاتىستى لاۋازىمدى تۇلعالار قۇقىق قورعاۋ ورگاندارىنىڭ نازارىنا ءتۇستى. كەدەن بەكەتىنىڭ 6 لاۋازىمدى تۇلعاسى ۇستالىپ، تالدىقورعان قالاسى پ ب ۋ ۇ ي- نا قامالدى، 2 قىزمەتكەر ءوز كىناسىن تولىق مويىنداۋىنا بايلانىستى ۇستالعان جوق. كۇدىكتىنىڭ كىنالىلىك دارەجەسى تۋرالى تۇپكىلىكتى شەشىمدى سوت قابىلدايدى»، - دەيدى ول.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات