ءشامشى قالداياقوۆتىڭ مەرەيتويىنا وراي ەل وڭىرلەرىندە وتەتىن شارالار
اتاپ ايتقاندا، مەرەيتوي قۇرمانعازى اتىنداعى قازاق مەملەكەتتىك اكادەميالىق حالىق اسپاپتارى وركەسترى ازىرلەگەن حالىقارالىق ءشامشى اندەرى فەستيۆالىنىڭ ونلاين- كورسەتىلىمىمەن باستاۋ الادى. وتىرار اۋدانىنىڭ ءشامشى قالداياقوۆ تۋعان ولكەسىندە بۇگىن ساعات 15:00-دە كومپوزيتور ومىرگە كەلگەن، قايتا جاڭارتىلعان مۋزەي- ءۇيىنىڭ اشىلۋ سالتاناتى وتەدى. اشىلۋ سالتاناتىندا مادەنيەت جانە سپورت ءمينيسترى اقتوتى رايىمقۇلوۆا، تۇركىستان وبلىسىنىڭ اكىمى ءومىرزاق شوكەيەۆ جانە كومپوزيتوردىڭ ۇلى مۇحتار قالداياقوۆ قاتىسادى.
كەيىننەن وسى جەردە كومپوزيتوردىڭ ەسكەرتكىشىنە سالتاناتتى گۇل قويۋ ءراسىمى بولادى. ايتۋلى كۇنى «قازاق كونسەرت» مەملەكەتتىك كونسەرتتىك ۇيىمى» جانىنداعى «كونسەرتتىك- گاسترولدىك قىزمەت ورتالىعى»، «مەنىڭ قازاقستانىم» حالىقارالىق مۋزىكالىق چەللەندجىنىڭ تۇساۋىن كەسىپ، جىل سوڭىنا دەيىن جالعاستىرماق.
بۇل مۋزىكالىق مارافونعا قازاقستاندىق بەلگىلى ارتىستەر مەن اكتەرلەر، سپورتشىلار مەن مەملەكەت جانە قوعام قايراتكەرلەرى، الىس- جاقىن شەت ەلدەردەگى قانداستارىمىز بەن كۇللى وتانداستارىمىز اتسالىسادى دەپ كۇتىلۋدە. سونداي- اق مادەنيەت جانە سپورت مينيسترلىگىنىڭ Youtube ارناسى ارقىلى «جاز اۋەندەرى» جوباسى اياسىندا كەنەن ازىربايەۆ اتىنداعى جامبىل وبلىستىق فيلارمونياسىنىڭ «ءان پاديشاسى - ءشامشى اعا» اتتى ونلاين- كونسەرتى كورەرمەندەرگە ۇسىنىلماق. ۇلى مۋزىكانتتىڭ شىعارماشىلىعىن جاقسى كورەتىندەر مينيسترلىكتىڭ Youtube ارناسىندا جامبىل اتىنداعى قازاق مەملەكەتتىك فيلارمونياسىنىڭ «قازاق ۆالسىنىڭ كورولى» كونسەرتىن كورە الادى. مەرەيتويلىق شارالار كەزەگىن نۇر- سۇلتان قالاسىنداعى ق ر ۇلتتىق اكادەميالىق كىتاپحاناسى جالعاستىرىپ، ەل نازارىنا «قازاق ۆالسىنىڭ كورولى - ءشامشى قالداياقوۆ» ۆيرتۋالدى ونلاين- كورمەسىن ۇسىنادى.
ودان باسقا، ق ر ۇلتتىق كىتاپحاناسىنىڭ الەۋمەتتىك جەلىلەرىندەگى رەسمي پاراقشالارىندا ءشامشى قالداياقوۆتىڭ اندەرىنەن «مەنىڭ قازاقستانىم» اتتى كونسەرتى وتەدى. ش. قالداياقوۆتىڭ 90 جىلدىعىن مەرەكەلەۋ شارالارىنا زاعيپ جانە كورۋ قابىلەتى تومەن ازاماتتارعا ارنالعان رەسپۋبليكالىق كىتاپحانا دا اتسالىسادى. ۇيىم كورەرمەندەرگە «ءان- اعا» اتتى ادەبي- مۋزىكالىق كەش ۇيىمداستىرماق. كەيىننەن وقىرماندارعا «قازاقستاننىڭ حالىق ءارتىسى ءشامشى قالداياقوۆتىڭ تۋعانىنا 90 جىل» اتتى مۋزىكالىق ۆيدەو- ءدارىسىن سىيلاماق.
ايتا كەتەيىك، بيىل كومپوزيتوردىڭ مەرەيتويىن مەرەكەلەۋگە ارنالعان مينيسترلىكتىڭ مەملەكەتتىك الەۋمەتتىك تاپسىرىسى اياسىندا تۇڭعىش رەت قازاقستان سۋرەتشىلەرىنىڭ شىعارماشىلىق جۇمىستارى نەگىزىندە «ءشامشى الەمى» اتتى ونلاين مۋلتيمەديالىق كورمە ۇيىمداستىرىلادى. جوبا ناتيجەسىندە شىعارماشىلىق جۇمىستاردىڭ كاتالوگىن شىعارۋ كوزدەلگەن. اتالمىش جوبا اياسىندا ءشامشى قالداياقوۆتىڭ شىعارماشىلىعى مەن قازاق ءان ونەرىندە قالدىرعان اۋقىمدى مۇراسى ەلىمىزدىڭ بارلىق وڭىرلەرىنەن جينالعان سۋرەتشىلەردىڭ تۋىندىلارىندا بەينەلەنەتىن بولادى.
ودان بولەك رەسپۋبليكالىق مۋزەيلەر مەن كىتاپحانالار شەتتە قالمايدى. وزدەرىنىڭ الەۋمەتتىك جەلىدەگى پاراقشالارىندا كورەرمەندەر نازارىنا كومپوزيتوردىڭ ومىرىنە ارنالعان ۆيرتۋالدىق كورمەلەر مەن ونلاين- لەكسيالارىن ۇسىنباق. ماسەلەن، 15- تامىز كۇنى قازاقستان رەسپۋبليكاسىنىڭ ۇلتتىق مۋزەيىنىڭ رەسمي پاراقشالارىندا رەجيسسەر، سسەناريست، ءانشى- كومپوزيتور ورالبەك سارىباسوۆپەن مۋزىكالىق ونلاين- سۇحبات وتەدى. سونداي- اق مۋزەيدىڭ ونلاين كورەرمەندەرىنىڭ اراسىندا كومپوزيتوردىڭ ءومىرى مەن شىعارماشىلىعىنا ارنالعان Muzei Time تەست- ساۋالناماسى ۇيىمداستىرىلماق.
مەرەكەلىك باعدارلاما بۇنىمەن توقتاپ قالمايدى. 17 - تامىز كۇنى ق ر ۇلتتىق مۋزەيىنىڭ قورىنداعى ش. قالداياقوۆ مۇراسى تۋرالى بەينەسيۋجەت شىعىپ، 26 - تامىزدا «قازاق مۋزىكا تاريحىنداعى بىرەگەي تۇلعا» اتتى بەينەەكسكۋرسيا، نۇر- سۇلتان قالاسىنداعى ق ر ۇلتتىق اكادەميالىق كىتاپحاناسىنىڭ ۇيىمداستىرۋىمەن «قازاق ءۆالسىنىڭ كورولى - ءشامشى قالداياقوۆ» ۆيرتۋالدى كورمەسى ۇيىمداستىرىلماق. مەرەيتوي كۇنىنەن كەيىن دە ءىس- شارالار جالعاسىن تابادى.
23 - قازان كۇنى قۇرمانعازى اتىنداعى قازاق مەملەكەتتىك اكادەميالىق حالىق اسپاپتار وركەسترى «ۆالس كورولى» كونسەرتىن كورەرمەندەر نازارىنا ۇسىنادى. اعىمداعى جىلدىڭ قازان ايىندا اباي اتىنداعى قازاق مەملەكەتتىك وپەرا جانە بالەت تەاترى كومپوزيتوردىڭ شىعارمالارىن ناسيحاتتايتىن كونسەرتىن، ال قاراشا ايىندا جامبىل اتىنداعى قازاق مەملەكەتتىك فيلارمونياسى كومپوزيتوردىڭ شىعارماشىلىعىنا ارنالعان مەرەيتويلىق كونسەرت وتكىزەدى. سونىمەن قاتار، اعىمداعى جىلدىڭ قاراشا ايىندا «قازاق كونسەرت» مەملەكەتتىك كونسەرتتىك ۇيىمىنىڭ «Saz & Soul» ۆوكالدى- اسپاپتىق توبى ءوز كورەرمەندەرىن الەۋمەتتىك جەلىلەردە جاريالاناتىن مەرەكەلىك كونسەرتىمەن قۋانتادى.
ەل وڭىرلەرىندەگى فيلارمونيالار مەن شىعارماشىلىق ۇجىمدار ايگىلى كومپوزيتوردىڭ مەرەيتويىن مەرەكەلەۋگە ۇلەس قوساتىنىن اتاپ وتكەن ءجون. وسىلاي، تۇركىستان وبىلىسىندا ەپيديميالوگيالىق جاعدايعا بايلانىستى ونلاين فورماتىندا وتەتىن جىل سوڭىنا دەيىن 100-گە جۋىق ءىس- شارا جوسپارلانىپ وتىر.
اۆتور: مارلان جيەمباي
