وتاندىق كومپيۋتەردىڭ سەريالىق ءوندىرىسى ىسكە قوسىلدى
13 - تامىزىنان باستاپ «قازاقستان ينجينيرينگ» ۇلتتىق كومپانياسىنىڭ ەنشىلەس كاسىپورىنى كيروۆ اتىنداعى زاۋىت العاشقى 5 مىڭ كومپيۋتەر تەحنيكاسىن جيناقتاي باستادى، ولار ەلدىڭ ءبىلىم باسقارماسىنا جەتكىزىلمەك. بۇرىن حابارلانعانداي 2020 -جىلدىڭ 1 - شىلدەسىندە مايكروسوفت پەن «س. م. كيروۆ اتىنداعى زاۋىت» اراسىندا ZіK كومپيۋتەرلەرىن Windows 10 Pro ليسەنزيالىق وپەراتسيالىق جۇيەسىمەن جابدىقتاۋ تۋرالى كەلىسىمشارتقا قول قويىلعان بولاتىن.
ZіK كومپيۋتەرلەرىنىڭ بىرنەشە ۇلگىسى شىلدەدە سولتۇستىك قازاقستان وبلىسىنىڭ ءبىلىم باسقارماسىندا قالالىق جانە اۋىلدىق مەكەمەلەردە ارنايى سىناقتان وتكەن. سىناق ناتيجەلەرى بويىنشا نوۋتبۋكتەر مەكتەپتە پايدالانۋعا ۇسىنىلدى. قازىرگى ۋاقىتتا وتاندىق كومپيۋتەرلەر شىعاراتىن جوبانى لوكاليزاتسيالاۋ ۇلەسى شامامەن % 30 قۇرايدى. پايىز بىرتىندەپ ارتىپ كەلەدى، بۇل بولاشاقتا پايدالانۋشىلارعا نەگىزىنەن قازاقستاندا جاسالعان ونىمدەردى ساتىپ الۋعا مۇمكىندىك بەرەدى. زاۋىت جىلدىڭ اياعىنا دەيىن تاپسىرىس بەرۋشىلەردىڭ سۇرانىسىنا قاراي، تاعى 60 مىڭعا جۋىق دەربەس كومپيۋتەر مەن نوۋتبۋك ءوندىرۋدى جوسپارلاپ وتىر.
