+7 (701) 759 90 19
3 °С : نۇر-سۇلتان
9 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

دەنساۋلىق ساقتاۋ مينيسترلىگى قاۋىپسىز جانە ءتيىمدى ۆاكسينانى كۇتىپ وتىر - باس سانيتارلىق دارىگەر

14 تامىز 14:53
:ءبولىسۋ
دەنساۋلىق ساقتاۋ مينيسترلىگى قاۋىپسىز جانە ءتيىمدى ۆاكسينانى كۇتىپ وتىر - باس سانيتارلىق دارىگەر

نۇر- سۇلتان. قازاقپارات - دەنساۋلىق ساقتاۋ مينيسترلىگى دە قاۋىپسىز جانە ءتيىمدى ۆاكسينانى كۇتىپ وتىر.

بۇل تۋرالى ورتالىق كوممۋنيكاتسيالار قىزمەتىندە وتكەن قازاقستاندا كارانتيندىك شارالاردى كەزەڭ- كەزەڭمەن جەڭىلدەتۋ تۋرالى ونلاين بريفينگىدە ق ر باس مەملەكەتتىك سانيتارلىق دارىگەرى ايجان ەسماعامبەتوۆا ايتتى، دەپ حابارلايدى قازاقپارات ءتىلشىسى.

«بۇگىنگى تاڭدا الەمدە كوروناۆيرۋس ينفەكسياسىنا قارسى 166 ۆاكسينا جوباسى جاسالدى. ولاردىڭ كوپشىلىگى كلينيكاعا دەيىنگى تەستىلەۋ كەزەڭىندە. تەستىلەۋ ەرەجەسى بار - بۇل ءۇش كەزەڭنەن ءوتۋ جانە مىندەتتى تۇردە تىركەۋ. كوروناۆيرۋس ينفەكسياسىنا قارسى 120 ۆاكسينانىڭ 17- ءسى ادامدارعا سىنالىپ جاتىر. ەگەر ءبىز رەسەي ۆاكسيناسى تۋرالى ايتاتىن بولساق، وندا ول كلينيكالىق سىناقتىڭ 2 كەزەڭىنەن وتكەن، رەسەي فەدەراتسياسىندا تىركەلگەن»، - دەيدى ق ر باس مەملەكەتتىك سانيتارلىق دارىگەرى ايجان ەسماعامبەتوۆا.

ونىڭ ايتۋىنشا، دەنساۋلىق ساقتاۋ مينيسترلىگى دە ساپالى ۆاكسينانىڭ شىعۋىن كۇتەدى. «دەنساۋلىق ساقتاۋ مينيسترلىگى دە قاۋىپسىز جانە ءتيىمدى ۆاكسينانى كۇتىپ وتىر. نارىققا قانداي ۆاكسينا العاش پايدا بولعانىنا بايلانىستى ءبىز دە سول وندىرۋشىلەرمەن ەلگە جەتكىزۋ بويىنشا جۇمىس ىستەيتىن بولامىز. ءبىز بۇكىل الەم ۆاكسينانىڭ شىعارىلۋىن جانە ءوندىرىلۋىن كۇتىپ وتىرعانىن ءتۇسىنۋىمىز كەرەك. ۆاكسينا شىققان كەزدە كەزەك بولۋى دا زاڭدىلىق. ۆاكسينانىڭ الەمگە بىردەي مولشەردە تارالۋىن قاداعالاۋ ءۇشىن GAVI اليانسى (ۆاكسينالار مەن يممۋنداۋ بويىنشا جاھاندىق اليانس - رەد. ) قۇرىلدى»، - دەيدى ول.

ول ۆاكسينا ەگۋدە قانداي ادامدارعا باسىمدىق بەرىلەتىنى تۋرالى ايتتى.

«بۇگىنگى كۇنى ءبىز وسى ۆاكسيناتسيالاۋعا جاتاتىن توپتارمەن جۇمىس ىستەپ جاتىرمىز. بىزدە قاۋىپتى توپتار بويىنشا جوسپارلار بار، ولار ءۇشىن كوروناۆيرۋس اۋرۋى وتە قاۋىپتى. ولار - 60-65 جاستان اسقان بەلگىلى ءبىر سوزىلمالى اۋرۋلارى بار ادامدار. سونداي- اق، بۇل توپقا مەديتسينا قىزمەتكەرلەرى دە جاتادى، ويتكەنى ولار ەڭ الدىمەن پاتسيەنتتەرمەن جانە كوروناۆيرۋس جۇقپاسىنىڭ بەلگىلەرى جوق، ءبىراق تاسىمالداۋشى بولىپ سانالاتىن ادامداردى قاراپ، بايلانىستا بولادى. سوندىقتان ءبىز ۆاكسيناتسياعا دايىندىق، ۆاكسينانى تاڭداۋ جانە دەنساۋلىق ساقتاۋ مينيسترلىگىندە ۆاكسيناتسيا ستراتەگيامىزدى ازىرلەۋ بويىنشا جۇمىس جۇرگىزۋدەمىز»، - دەيدى ق ر باس مەملەكەتتىك سانيتارلىق دارىگەرى.

اۆتور: زارينا قاھارمان



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات